入星梦取代郑俊弘？周柏豪：适可而止嘅竞争系好事

歌手周柏豪约满合作10年的华纳唱片，正当大家估计，周柏豪会否像同属经理人公司（Starz People）的连诗雅一样，约满华纳后过档萧定一旗下的HMV唱片部，成为张智霖（Chilam）接班人时。今天出现了戏剧性发展，周柏豪加盟无线新成立的TVB New Media，并签约TVB旗下的星梦娱乐做“一哥”。周柏豪和刚离开星梦的许廷铿，就像体育球员转会市场一样互相转会。

并不是马后炮，其实今次周柏豪转会星梦娱乐绝对是有迹可寻。皆因柏豪近年与TVB合作无间，除了曾参与单元剧《爱情来的时候2》、《使徒行者2》；柏豪更参演制作费过亿，拍摄期长达一年的重头剧《再创世纪》。柏豪难得有这些机会，如果没有“一半血统”的话，想“方丈”畀机会都难。

今次周柏豪加盟TVB NEW MEDIA及星梦娱乐可以说是隆重其事，除了在香港丽思卡尔顿酒店为周柏豪举行记者招待会，更有TVB一众高层出席：电视广播有限公司副总经理（节目及制作）杜之克先生、电视广播有限公司助理总经理（非戏剧制作）余咏珊小姐、星梦娱乐集团有限公司行政总裁何哲图先生及周柏豪的经理人公司高层，种星堂娱乐有限公司董事邹世龙先生。

柏豪出场时，他表示2017年是重要的一年：“2017年7月刚刚系我入行十周年，回想呢十年有好多人帮过我，赏识我，帮我实现梦想，所以我想多谢佢哋！我系一个非常之钟意试新嘢嘅人，无论系工作上或生活上都有好多新想法，多谢我新公司TVB New Media、星梦同埋我嘅经理人公司种星堂一齐实验我嘅想法，大家理念一致，一齐出发！”

今次记者会高层们也不忘表现“爱子之心”，连环送礼。杜之克送了一个独一无二的钻石版TV Buddy给柏豪；高层余咏珊小姐送了一个钻石版Big Big Channel 大明星手办公仔；至于星梦高层何哲图先生就预先送了一只白金CD给柏豪，祝愿柏豪有更好的发展。

周柏豪：我紧系会唱主题曲啦

记者会后柏豪接受《香港01》访问时问到高层何哲图钦点他为星梦“一哥”，对于这个称号，柏豪似乎受宠若惊：“觉得呢个年代歌手无分排名，大家应该互相帮助，无话分边个系一哥，我系屋企排名第二，所以我阿哥先系一哥。”

签约星梦令大家联想，会否像其他星梦歌手一样，唱无线电视剧集主题曲，甚至连曲风都会变成洗脑歌，对此柏豪似乎非常期待：“我紧系会唱主题曲啦，其实我已经录咗《使徒行者2》嘅主题曲。我觉得一首歌如果做得做嘅话。可以代表到𠮶一位歌手；但系如果一首好嘅主题曲，除咗可以代表到歌手同剧集之外，仲可以代表到一个年代。有时你听以前嘅主题曲，你一听会知道咩年代，亦会谂起套剧嘅角色甚至对白，其实会系一个好好嘅效果，所以如果未来有唱主题曲嘅机会我一定会再争取。（你怕唔怕争取咗郑俊弘，胡鸿钧嘅机会？）“唔会啦，呢个年代如果有适可而止嘅竞争系好事，如果无压力大家就唔会向前冲，希望可以同大家一齐带俾观众最高质素嘅音乐。”周柏豪说

有指今次加盟等于华纳与星梦交换一哥，柏豪表示：“其实真系咁啱，大家咁啱喺一个good timing去遇上一间好嘅唱片公司。其实我仲喺旧公司（华纳）嘅时候，当时佢加盟，我都有同佢讲最紧要自己钟意乜嘢做去做，大家都系一个好有想法嘅年青人，只要开心就唔需要理咩挣位，换一哥嘅说话，最紧要做出嚟嘅音乐系好就得。”

何哲图：我哋要再造明星

至于何哲图接受访问时多次强调今次签周柏豪，是要造“明星”而不是单一发展的歌手：“其实一直对柏豪都好欣赏，因为佢可造性好啱星梦同TVB，香港娱乐圈过去十年缺少咗香港本土嘅艺人打出香港以外地方，我哋要再造明星，而且都唔应该净系放眼喺香港，柏豪无论歌唱、演戏方面都越演越好，都非常受广大欢迎，我觉得柏豪系可以跳出香港，令更多华人认同。”

被问到现时柏豪是否以拍剧为先？何哲图表示：“依家拍紧嘅剧定系之前拍《使徒行者2》都系非常重要，喺今年同下年都系最重要嘅剧，无论喺香港定系国内；所以音乐上都系《使徒行者2》主题曲俾佢唱，一步步啦。最重要反而系睇佢做完呢两套重头剧，睇下国内、其他华人地区反应系点。”

许廷铿离巢后，周柏豪随即加盟星梦，对于“交换一哥”何哲图严肃表示：“唔可以相提并论啦，因为之前跟咗我好耐嘅歌手，佢有第二啲发展，佢只系一个歌手嚟㗎啫；但系柏豪对我嚟讲唔系一个歌手咁简单，所以我唔会将两样嘢摆埋一齐嚟睇。我再讲第三次，唔好净系睇唱歌，要睇其他嘅演艺事业，同埋系咪做到喺华人地区有认受性，而唔系净系喺香港。唱歌方面，我嘅制作团队同佢本身嘅制作团队亦会一齐合作，制作多啲好歌畀柏豪唱。但唔好净系睇唱歌，要睇成个人嘅发展，如果唔系香港唔会再有明星。”