【一首歌】陈奂仁MC Jin《甚么都不做》 “就这样渡过了一天”
撰文： 彭嘉彬
出版：更新：
平日返工咁忙碌，衬著周末落雨湿湿，好应该做一啲平时唔会做嘅嘢。例如系乜都唔做，摊喺屋企张床上面，听吓一啲平时比较少听嘅歌。如果你认同我嘅讲法，或者陈奂仁同MC Jin嘅专辑《买一送一》会几啱你哋嘅口味。全碟主打Acoustic乐器，R&B曲风，加上MC Jin随心嘅Rap词，造就出呢张所谓“Shotgun Project”嘅制作。十首歌曲各有题材，不过离不开生活上的琐碎，歌词直接到肉，以十天完成十首作品来说，实在是Raw得嚟又相当精炼。当中一首《甚么都不做》更是令人印象深刻。
《甚么都不做》正正收录于这张2010年的专辑《买一送一》，作曲编曲监制作词几乎由陈奂仁一人包办，当然Rap词方面则是由MC Jin负责。这首歌原来是专辑制作过程中的第一首歌，当时MC Jin每天上到陈奂仁的Studio时也会被问同一个问题，就是：“How do you feel today? 你今日心情如何？”而MC Jin第一次的回答便是：“I feel lazy today，甚么也不想做，我本来都唔想嚟。”于是便促成了这首《甚么都不做》。