邱锋泽兴奋演出沙滩音乐节 陈凯咏“自队”两杯酒投入节拍气氛

《The Nextwave 沙滩音乐节》第二场顺利完成，呢日阵容依然强劲，包括乐队KOLOR、TONICK等等，而陈柏宇Jason呢日伙拍野佬一齐夹Band献唱多首歌，Jason话上次做沙滩骚已经系好多年前，一上台Fans不断大叫“除衫、除裤”，终于Jason亦除掉外衣露出麒麟臀：“因为大家都40岁喇，除衫就交俾20、30岁嘅歌手去做。(但你最后都做咗除衫担当) 因为太热唔除唔得。依家操到一双麒麟臂都好满意，不过要佢除上衫就要揾一个舒服嘅场合先做，亦要再操Fit些。(今日沙滩骚台下有好多比肩尼靓女系咪好吸引呢？)以前细个去沙滩可能钟意睇比坚尼，而家喺街上随时都见到靓女著比坚尼，都冇咗果种感觉。”

而Jace 陈凯咏佢第一次在沙滩表演，未出场已经好兴奋，为情绪更高涨特意出场前“自队”两杯酒，：“其实一出场就俾观众嘅热情搞到好投入，佢地又跳又叫真系好享受，呢d系最钟意嘅演唱会气氛，所以期望再开户外骚。（今日沙滩骚点解唔性感D？）因为要跳好多舞，所以露背就可以，至于台下好多人著比坚尼，自己就留翻旅行先著，但表演就免啦，比坚尼就留俾观众穿吧。”

四坚情呢晚压轴出场，当四子合体时全场疯狂，而邱锋泽都比观众搞到“晕陀陀”忘记歌单次序，仲不时向观众“灌酒”非常兴奋：“其实这里气氛同台湾春浪差不多High，期待下一次我们会齐人见大家！其实2025年我们都会有巡演，所以会齐人跟大家见面，只要香港订到场一定会开个唱。我地目标每次都学多点广东话，最终可以全广东话跟‘坚果’沟通。”

提到早前娄峻硕个唱狂收内衣，四子齐声准备好收“大礼”，小赖仲话8月开个唱，叫Fans好好表示：“如果掉内裤上来我也会颇开心的，因为可以带回再穿！今天没准备好脱衣服 状态未系咁好，半透视已经很不错。”