专访｜Serrini自爆曾遇粉丝请“饮嘢”：女星系咪要配金融才俊？

撰文： 张祖铭
出版：更新：

独立歌手梁嘉茵（Serrini）本月6月29日（周六）与台湾歌手陈绮贞、岑宁儿及Japanese Breakfast一起参与于亚洲国际博览馆举行的音乐盛事《PUNCHLive2024》，每一个歌手单位会唱足一个小时。Serrini接受《香港01》专访宣传《PUNCHLive2024》，对于表演服装安排，她透露：“我啲合作单位好好笑成日问我要换几多套衫，我会用最舒服嘅状态。”

Serrini接受《香港01》专访宣传《PUNCHLive2024》，透露表演服装安排。（叶志明摄）
Serrini与其他歌手陈绮贞、岑宁儿及Japanese Breakfast合作大展实力。（资料照片）

独特衣着风格

对于乐迷来说Serrini的穿衣风格十分特别，她分享自己最爱的衣着：“我会钟意睇吓唔同嘅布料，注重质地有咩效果，我觉得我自己比起七年前嘅影专辑相，去到今日我会同自己嘅造型师去倾如何改变成女人嘅模样。”她指自己以前没有机会去接触那么多的衣着品牌，并表示：“见到女明星嘅出现，唔系一个人嘅努力，有成架货车嘅人去帮佢整理呢一个形象。”

提到这次音乐会会否以特别的服装登场，她说：“都仲计划紧嘅，我想用晒所有时间唱歌，我啲合作单位好好笑成日问我要换几多套衫，我会用最舒服嘅状态。”讲到家中的服装数量，她直言：“唔算多，我出街多数唔想俾人一望就知我系边个，我会着简单嘅T恤，今年特别钟意着裤，我以前就一件头比较多，反而我现在钟意随意嘅优雅，舒服为主。”

Serrini指自己以前没有机会去接触那么多的衣着品牌。（叶志明摄）
Serrini会同自己嘅造型师去倾改如何变成女人嘅模样。（叶志明摄）

赚钱全数奉献作拍MV用途

至于曾经透露过赚钱全数奉献作拍MV用途，她坦言：“其实到现在都系，工作人员就嚟要攞晒我银行啲钱。”她重提今年去了日本拍MV，并表示：“租咗个火车站同埋租咗个旅馆，个导演话其实咁大制作，使唔使揾个男演员同你做戏。”她马上拒绝导演的想法，强调自己要坚持利用一个女人的故事概念为题材。

被问到会否对MV剪接方面比较执着，她说：“通常啲导演系自己剪完一两take俾我，我会好尊重佢哋，因为我觉得呢个系导演拍嘅时候已经谂咗嘅概念，佢哋会好奇同我合作系好轻松，叫我去拍咩我就会去做咩，好多导演都同我做咗friend，同埋我出咗名系唔会睇回带，我觉得会麻烦导演，或者我有疑惑要点做先会睇。”

Serrini表示自己赚钱全数奉献作拍MV用途。（叶志明摄）
Serrini特别曾邀请台湾演员禾浩辰于剧场版MV中合演情侣。（资料照片）

女星系咪要配金融才俊？

谈到爱情世界，希望能找寻那一类型的伴侣，她说：“我会想灵魂有共鸣，见到佢会觉得好舒服，我会思考系咪要揾一个照顾我嘅人，女星系咪要配金融才俊？（钟意靓仔？）其实好多嘢都唔系睇外表，都系睇一个人嘅频率同埋我嘅状态。”被问到会否出街“饮嘢”认识伴侣，她表示：“我钟意饮嘢系同自己啲朋友去。我试过有一次去饮嘢有个粉丝，佢应该系放完工去饮，我就问佢系咪请我，跟住佢第一下反应唔到，通常呢啲嘢就会吓亲其他人唔够胆同我接触。”

Serrini自爆曾遇粉丝请“饮嘢”。（叶志明摄）
+6

场地提供: 香港置地文华东方酒店