P1X3L演唱会｜拣唱儿歌有代沟　访问即场甩腹肌︰留番下次先骚

P1X3L出道首个演唱会《P1X3L !OMG LIVE 2024》，于昨晚（31/5）在Star Hall顺利完成，骚后三人吴启洋（Phoebus）、欧镇灏（George）及叶振弘（Marco）回到ViuTV总部接受访问，这亦是ViuTV在九龙湾最后一个举行的记招，令三人回忆起参加《全民造星II》时，正正要在这里苦候廿多小时的日子。

Phoebus希望自己再生性啲

Phoebus提到个唱表演，明显极之不舍︰“今日系第一场亦系最后一场，希望我哋再生性啲，之后可以开多几场。但现场观众都好热情，被四面台包围的感觉好幸福，留咗好多回忆畀我哋。”问到今次个唱是否P1X3L入行以来最大成就？Phoebus就觉得不会用成就去形容︰“希望系一场热身赛，我哋都不断去建立自己，戏剧、综艺各方面，希望日后演唱会可以搞多几场，又有多啲工作机会。”

问到几位觉得自己表现如何？Marco觉得一定有不足，希望之后一次比一次好。而Phoebus就觉得输经验︰“例如唱头三首歌，可能太兴奋，出尽力去唱，到唱自己Solo部分把声已经攰，未够经验。”George就难忘唱到最后大家都不舍得走，Encore了两次︰2最后逼我哋唱《前传》，唔好话唔记得舞步，歌词都唔记得，因为我哋𠮶年系李拾壹负责唱。”

访问即场甩腹肌

至于Marco在台上不断被兄弟鼓励除衫，但一直未肯就范，Marco坦言想留一手︰“唔想第一次演唱会就骚晒出嚟，留待下一次。”而两位队友更即场表演“甩腹肌”，证明有料到。相反Phoebus被记者赞瘦咗就觉得唔开心︰“因为我有好努力增肥，听到你话瘦咗系有啲唔开心，每日有饮奶粉一日食3、4餐，演唱会开始前佢哋两个禁食我就猛食。”

谈到演唱会其中一Part唱出三人儿时回忆的动画主题曲，包括︰《光之美少女》、《驯兽师之王》及《不死传说》，虽然三人相隔只有数年，但都讨论时都出现代沟问题。George︰“冇听过《光之美少女》！”Marco︰“我3首都冇听过，我细个系睇动物频道，听大笨象叫。”George︰“所以睇到咁样……咁可爱呀！”演唱会上P1X3L都有唱出全新团歌及Solo歌，表示所有都已拍晒MV，好快就可以同大家见面。