【回归20年】内地劲buy“古惑仔”蕉皮 朱永棠：有少少盲目祟拜
想当年“古惑仔系列”电影盛行，红爆中港台三地，甚至带起拍这类电影热潮，成为了大家的经典回忆。事隔多年大家又记唔记得当年主演古惑仔嘅演员其实大部分都是歌手出身：郑伊健、陈小春、谢天华、朱永棠及林晓峰。另外四位郑伊健、陈小春、谢天华、林晓峰名气愈大，不时一齐出骚时，在古惑仔中饰演蕉皮嘅朱永棠又去咗边呢？
曾经朱永棠与陈小春、谢天华成立组合《风火海》，到2005年后朱永棠淡出娱乐圈做生意。朱永棠接受《香港01》访问嘅时候就透露原来佢喺2010年决定去内地发展，近年亦有出唱片及拍剧：“内地真系市场好大，只要有梦想和坚持，真系会发生好多香港未必可以发生嘅事，例如每日可以去唔同城市嘅舞台演出，又因为我坚持，依家有拍好多电影，工作好充实。”
（你觉香港乐坛喺近二十年有什么转变？）
“以前香港乐坛只局限于某几个唱得嘅前辈歌手，但依家多咗好多新歌手，多咗好多有几会，依家比较百花齐放，多咗中国台湾甚至韩国嘅歌手参与。”朱永棠说。
谈到20年前“古惑仔系列”年代嘅时候对年青人影响朱永棠表示：“当时好多人会模仿我哋嘅打扮，发型。其实有少少盲目祟拜，不过都系正面嘅。好似蕉皮哩个角色，系一个有正义感，有义气，可以为兄弟，朋友而牺牲。当时影迷会认定我真人同戏入面角色一样。就算依家到内地发展，蕉皮哩个角色喺70，80后嘅影迷心目中都非常深入民心。”
大家可能唔知，其实朱永棠（蕉皮）2010年到内地发展，2014年更与内地歌手张政组成组合名叫“岁月男儿”。同年还发行EP《岁月》。音乐作品包括：《岁月》、《谢谢你》、《再见古惑仔》。
蕉皮这个角色名字深入民心，而且还带挈朱永棠在内地参与多部古惑仔类型嘅电影，就连他推出的歌曲《再见古惑仔》，都离不开“古惑仔”。
朱永棠：“我唔会介意大家只记得蕉皮哩个名，因为哩个名，我先可以顺利喺内地发展，我依家有做音乐，拍电影，甚至电影策划。”
究竟“蕉皮”二十年后系点嘅样？大家睇相啦！
讲到当年由“古惑仔”变成“古惑佬”嘅郑伊健、陈小春、谢天华、林晓峰、钱嘉乐依家喺香港发展相当唔错，朱永棠表示冇后悔上内地发展：“依家我喺内地发展都非常多机会，无话后唔后悔，有拍戏同唱歌。不过人生咁长都有试过唔开心，每人行嘅路都唔一样，有人会顺风顺水，有人会荆棘满途。我自己行嘅路系属于荆棘满途。不过我依家嘅心态已经调整，我好正面，我由半年前开始写诗抒发心情，我打算嚟紧出诗集。”
说罢朱永棠有感而发：
岁月真的有情在？男儿朝夕待花开！水落石出看何时？寒冬逝去盼春来！棠∼诗集