容祖儿新歌揾汤令山作曲客串　黄伟文助攻延续《紧急联络人》下集

容祖儿今年首支派台作品《九秒九》今日（29日）上架，歌曲由黄伟文（Wyman）与汤令山（Gareth. T）再度合作。去年，二人创作了《紧急联络人》，男方将前度名字填在“紧急联络人”一栏；今年，故事由祖儿延续，由女方角度呈现出如何徬徨焦躁准备这趟特急行程，可谓是《紧急联络人》下集。祖儿透露概念全由Wyman促成，“因为佢系《紧急联络人》嘅填词人，当我俾咗Gareth呢个demo佢嘅时候，佢好快就话俾我听‘不如我哋就写《紧急联络人》嘅下集。’由我作为第一身去讲番𠮶件事、𠮶个感受。”

祖儿坦言对于每个阶段的乐坛都有自己很欣赏的音乐人，上一个很喜欢的是方大同，近年是Gareth. T，“呢几年每一次听汤令山嘅新歌，我都可以无限循环咁样去听，无论佢嘅melody同埋演绎，对我嚟讲好有feel，所以今次做新碟第一个想合作嘅人就系Gareth，咁就揾佢啦。”

除了作曲，祖儿亦邀请Gareth. T于MV客串的士司机一角，“佢嘅MV都系佢嘅创作嚟嘅。所以我话：‘我今个MV可唔可以邀请你参加呀？你啲MV成日都有你啲朋友，我可唔可以邀请你？’佢话：‘ok㗎，我可以㗎。’然之后佢就喺入面饰演一个角色。”今次MV最特别之处是采用一镜到尾的拍摄手法，面对首次“一shot直落”的祖儿坦言充满挑战性，各种的走位细节等，在拍摄前已在祖儿脑海“走”过无限次。

另外，又请来著名舞台剧演员、风车草剧团创办人之一的邵美君导戏，祖儿谓：“有两个单位我好多谢嘅，第一次合作嘅导演Maggie同埋邵美君老师。好耐之前我已经同邵美君讲，‘我好想跟你学演戏。’虽然最后冇成事，但今次呢个MV Maggie帮我揾咗美君，我哋一拍即合！喺佢嘅指引底下拍咗呢个MV，个感觉好安全、好有信心，希望大家都会喜欢呢个MV啦。”