许廷铿与Fans电车派对 自认“老饼”出实体唱片：都几贵吓！

许廷铿日前举办新歌试听会及签名会，由中午2点签到晚上九时，Fans沿途各站上车见偶像，Alfred签名都签到手软：“电车做新歌试听会及签名会，我之前好忍手唔帮Fans签名，因为想等到今日先签名，可以喺电车度同大家倾吓计，我同歌迷之间似朋友多啲，佢地已经唔会签叫，所以呢日都会以亲民为主。”

Alfred新歌《多多指教》推出在即，亦宣布即将海外宣传：“广东话有时颇限制，但如果令其他地方了解多啲广东话，呢个讲法有啲伟大，但最想自己嘅音乐去到唔同嘅地方。”呢日虽然举行“签名会”，但中途发生“哈碌”情况：“我本来准备咗十几枝签名笔，不过呢一刻应该仲喺我张床度！签名会唔记得带笔真系癫咗线，好彩我有个美丽嘅Fans借咗枝笔比我，应该都顶到两站嘅，不过都叫同事帮手去扑笔。”

许廷铿笑言自己与Fans没距离，仲话自己不时“周围去”，希望与大家贴近：“希望用自己嘅影响力比其他人听到，所以好多时作品源自Fans嘅DM，成为创作嘅养份。而出碟系因为自己‘老饼’、‘老派’，想要有实物喺手，我都当唱片系自己嘅卡片，不过张卡片嘅制作费好贵，只要有人买同想我签名，所以都会制作。”佢就话同赞助品牌熟络，碰巧对方电车有空档，Alfred即时借用举行互动签名会，仲话有机会巡唱，叫歌迷跟住一齐出Trip。