关宛珊囝囝仆亲下巴落地要联6针　提醒父母：记得自备呢样嘢

关宛珊及Patrick Sir林溥来育有囝囝Preemo，日前关宛珊在Insatgram打长文，表示囝囝在木地板上爬，却不小心仆亲，下巴落地导致要联6针。关宛珊分享囝囝入院联针的经历，亦提醒家长在疫情下要记得自备呢样嘢，以免延误治疗。

日前关宛珊在Insatgram打长文，表示囝囝Preemo在家中木地板上爬，“爬爬下突然跣手仆亲下巴落地，喊到收唔到声”，当时看著伤口并不深，但颚起少少头又看似很深，由于老公并不在家，唯有自己保持冷静自己帮BB仔止血及消毒伤口。大约8:30老公返到嚟，睇到伤口好大话肯定要联针，“𠮶一刻当我听到Preemo要联针嘅时候，已经喊咗岀嚟，因为咁细个BB做手术实挣扎得犀利，医生通常建议全身麻醉，试问边个妈咪想咁细嘅BB接受全身麻醉？”，其后老公找到儿童外科医生，最终要联针但尝试局部麻醉加安排几个护士揿住BB联针，并预告父母要狠心忍痛。

👉🏻👉🏻👉🏻👉🏻小朋友对于特定物件有父母理解唔到嘅情意结！即睇：Coffee想扔已损坏白台遭儿子反对大哭　死守白台更搬出露台食饭👈🏻👈🏻👈🏻👈🏻

其后囝囝到私家医院，但因为疫情关系，父母不能陪同入急症室。“所以我哋同Preemo讲”一阵入去忍住痛，啪啪两下就岀番嚟㗎喇，唔驶惊㗎~” 老公放低得11个月大嘅Preemo喺治疗室床上就要离开，4个姑娘揿住BB仔嘅头、手、脚，用块布遮实BB仔个样，喺外面我哋听到嘅系佢前所未有嘅喊声，系好惊多过痛嘅大喊声，大嗌”阿妈～阿妈～” 真系好心痛！”，关宛珊又称，姑娘们同医生都话Preemo算好乖好配合，联咗6针都唔算挣扎得好劲，大赞囝囝“比我哋想像中坚强、勇敢，真心觉得佢好叻”。

而关宛珊亦提醒家长，因为疫情关系，未够岁数打针的小朋友进入医院需要先进行快速测试，验到阴性才可以进入治疗室，为免延误治疗，建议家长最好自备快速测试剂，“则就好似我哋咁，要即时去附近买完再帮BB验完先可以入治疗室。”

👉🏻👉🏻👉🏻👉🏻疫情下嘅父母为咗令仔女放电好有谂头！即睇：黎诺懿家中浴缸变身钓虾场畀囝囝钓虾　李璨琛同囡囡玩角色扮演👈🏻👈🏻👈🏻👈🏻