亲子活动玩装修　4岁囡囡爱油漆拎电钻　爸爸：玩具都可以自己砌

电钻、热溶枪均是孩子不能触碰的“危险品”？装修学院校长邓世民（Simon）却认为，“安唔安全视乎有冇人睇住！”他分享，与四岁半女儿的日常亲子活动，便是装修DIY。“基本上佢只手揸得住嘅工具都会用，自己咩都砌到出嚟，唔使受制于玩具。”
摄影：黄舒慧（部分相片由受访者提供）

办公室成主题乐园

邓世民于四年前成立装修学院，向行内人士集合装修知识，并将之普及化。除了提供各类维修DIY课程，也不时在“装修中伏大全（装修学院）”专页分享装修冷知识。这份工作专业正不知不觉地带入家庭，薰陶著年幼的女儿。“两、三岁已经不断搞大人嘅嘢，见我用螺丝批、热溶胶枪，又想试。”

🔼🔼🔼🔼想参考其他爸妈如何为仔女建造理想家居，即睇👉🏻👉🏻👉🏻唐老鸭粉丝将6百呎家居变身迪士尼小部屋　妈妈：唔使花钱大装修👈🏻👈🏻👈🏻🔼🔼🔼

他与女儿在家的亲子活动，便是利用小型的装修工具，如电螺丝批、热溶胶枪、笔型电钻，以及在工作期间所获得的废料，例如木地板块、霓虹冷光线，去做不同劳作。“有旧家私唔要，就畀佢钻下窿，破坏下。试过用木地板钻窿，整咗木风铃；雪条棍一般可塑性不高，但佢用热溶胶枪，可以砌到个大皇冠。”

邓世民的办公室设有室外平台，是日常的DIY教学场地，惟当女儿拾起漆铲、批灰匙，这里便成为她专属的主题乐园。“佢嚟到公司当呢度主题公园咁玩，最钟意批灰、油漆。危险度有限，教咗佢就安全，畀佢自己试。”

引发求知欲 敢于分享

久经“装修”训练，邓世民形容，女儿对事物有更深认识，同时引发她的好奇心与求知欲。“知道身边嘅嘢系点样做出嚟、个结构系点，有兴趣再追问落去，‘呢种系咩物料？’、‘点样装嵌？’，系一种empowerment，更有能力去珍惜、发挥创意。”

只要有工具、物料在手，孩子便有能力打造属于自己的玩具。“由打磨、安装、设计，自己咩都砌到出嚟。”这份创造力，正好应用于学校的劳作家课。“佢啲主意会特别多，喺成长过程里面，可以去分享其他小朋友，甚至老师都唔识做嘅嘢，贡献到佢嘅知识，系好有成功感。”

以孩子兴趣主导

邓世民认为，若家长希望让孩子尝试装修DIY，首要条件是本身也有一定认识。“唔系摆低畀佢就会玩，佢会玩系因为见到你做。如果当系玩具，或者想训练啲咩，系唔work嘅。”

其次家长要清楚自己的目的，观察孩子，以孩子的兴趣作主导。“如果目的系想佢对身边事物有兴趣，就要‘连戏’，唔好咩都叫佢唔好搞、怕危险。平时可以一齐装拆门锁、水龙头，要畀佢去尝试。”

🔼🔼🔼🔼屋企新装修担心残留甲醛影响小朋友健康，可以点？👉🏻👉🏻👉🏻👉🏻家居装修｜菠萝可以吸甲醛？专家教家长3招检测含量　装修要留意⋯👈🏻👈🏻👈🏻👈🏻🔼🔼🔼

按图即睇检测甲醛3大方法

按图即睇家长装修注意事项