子女手画Mirror演唱会飞做礼物　2孩妈妈超感动：好开心嘅母亲节

一连六场的Mirror演唱会来到尾场，惟一票难求，近日更现万元炒价门票！有“镜粉”妈妈在网上分享，纵然未能亲身入场一睹偶像风采，但得两位孩子亲画门票作母亲节礼物，已经甜到漏。她在接受访问时表示：“可以亲子到会场外打打卡，一齐支持Mirror，是一个好开心的母亲节！”。

爸爸日日唱姜涛

妈妈Amy育有两名分别13岁及7岁的孩子，是一名“妈妈级镜粉”。“我好钟意佢哋as a team，努力嘅年轻人好值得欣赏。”她表示，今次未能亲身入场支持Mirror，“加到六场都买唔到飞，坚决唔买黄牛！”

她又指，除了孩子，丈夫也是“镜粉”，一家人的话题离不开Mirror。“家姐特别钟意Ian同埋AK ，细佬就钟意Edan，爸爸都日日喺度唱姜涛嘅歌！”

到会场打卡也开心

在刚过去的母亲节，她收到孩子亲手绘画的演唱会门票作母亲节礼物，份外感动。“佢两个之前神神秘秘咁预备咗一个晚上，母亲节正日，猛咁话有一份惊喜俾我，细佬仲话我见到一定会‘哗’一声。正式收到个信封，我仲以为系一张母亲节咭。细佬话妈咪肥嘟嘟，所以妈咪画得特别肥。讲吓讲吓，就攞里面张纸（飞）出嚟啰，结果我真系‘哗’一声，心谂佢哋点解会买到飞㗎？爸爸都买唔到㖞！见到妈咪个反应，佢两个笑到傻咗，我先至知道张飞系假嘅，跟住细佬唱《蒙着嘴说爱你》俾我听，就笑到傻咗！”

她补充，女儿还打算弹奏《E先生连环不幸事件》，可惜预备得不够好，只好在父亲节才再接再厉。“张飞结果入唔到去，但可以亲子到会场外打打卡，一齐支持Mirror，是一个好开心的母亲节！希望多啲人钟意努力不懈的Mirror啦！”