淘宝买料改造公屋厨房浴室　埋单唔使5万　2孩妈妈：物流唔好贪平

疫情以来，留家的时间增多，妈妈也花多了心思改善家居环境。一名住在2房公屋的80后妈妈是淘宝常客，更曾在淘宝购买家私、电器，再找师傅改造厨房及浴室，埋单也不用5万！
（图片由受访者提供）

物流勿贪平

妈妈Tammy不时在facebook“淘宝开心Share”分享战利品，她在接受访问时表示，育有分别就读中一及小学三年级的女儿，有著多年淘宝经验。“玩咗好耐啦，都唔记得几多年！基本上所有日常生活上嘅嘢，都会用淘宝，会淘小朋友衫裤鞋袜、书包，玩具、文具，我同老公就多数淘家居用嘅嘢，例如摆设、家私、闭路电视、烟雾器，旅行用嘅嘢，譬如潜水袋、潜水衣。”

她表示，平常逛街时，若遇到心水货品，会先拍下照片，再以淘宝的照片搜寻功能找出供应商户。“香港而家大部分嘅嘢都系大陆落嚟，贵咗嘅系香港舖租、人工、运输费。如果系咁，大陆市场咁大，喺淘宝一定会揾到。”

除了格价，她会留意货品的评分，并参考实物图。她自言日常购物谨慎，做足资料搜集，甚少“中伏”，提醒网友选择物流公司时，切忌贪平。“见‘淘宝开心Share’啲人一味问边度平，但物流平未必系一件好事。价钱平，咪会掉你啲嘢、整烂嘢，因为要快手。最重要都系服务质素、送货速度、客人系咪可以追踪货物。”

自找师传清拆安装　1万改造浴室

Tammy分享，家住东涌公屋，入伙11年。客厅的装饰品及家具均购自淘宝。“铁片挂饰好平，都系几蚊，挂墙假电话$50、梳化$600、餐台$300、收纳凳$90。”她表示，疫情下多了时间留家，“自然想间屋做得靓啲”，便著手改造家居，并于去年改造浴室。

“公屋唔可以大改，厕所喺11年前入伙时换晒墙砖、地砖、马桶。今次就淘咗一套浴柜加浴门，转埋厕所玻璃门，淘落嚟再揾师傅装。咁横掂都系淘，就换埋花洒、厕所架、垃圾筒，都唔系好贵。”她表示，厕所用料连运费花了约$4000，师傅安装费则约$5000。

自淘雪柜、抽油烟机

今年初，她开始著手改造厨房。她首先于淘宝格价，了解是否提供中港直送运输。“我畀咗11年前嘅图则、大概尺寸佢哋睇，话佢哋知大概想整啲乜嘢，再报价畀我。我再睇相、质料系咪ok。确认之后，畀200蚊先整图则，ok嘅话就一炮过比晒所有钱，期间有设计师同我夹。”

付订后，制造时间约为两星期，期间Tammy陆续放售旧雪柜、煮食炉，并进行清拆及清洁。她补充，经资料搜集，内地使用的燃料气体与香港的不同，因此煮食炉是在香港的电器批发商订购，除此之外，雪柜、抽油烟机、瓷砖贴纸、电饭煲、水壶、调味料收纳挂勾等同样是经淘宝订购。

当所有材料到港，Tammy安排师傅上门安装及铺地砖。她表示，经淘宝购买的电器watt数跟香港相同，只是插头不同，可使用转插器，或找师傅换电掣。“啲插头都系淘，畀师傅睇过，都话冇问题。我哋剩系换咗雪柜电掣，因为要长插，公价系$500。厨房所有嘢连运费、师傅安装，用咗大约$32,000。”

相关文章：港妈每月淘宝订过100kg货　4年花25万人民币　分享7个淘宝小贴士

按图即睇妈妈们分享的淘宝小贴士：

按图即睇3位妈妈的淘宝战绩：