计划开旅行社　四围飞令孩子开眼界　梁芷珮：从来冇畀钱学嘢补习

“Fit爆辣妈”、“人妻女神”、“旅游达人”是外界对梁芷珮（Christy）的印象。作为三子之母，她形容自己在家里是个“傻傻更更嘅妈妈”，“佢哋3个都觉得要保护我，照顾返我转头！”。过去几年，梁芷珮为TVB拍摄旅游节目《潮什么》系列，不时带著孩子四围飞，一家人亦会在节目中粉墨登场，令他们成为“非一般家庭”。
疫情以来，工作难免受到阻碍，她亦明言“始终照顾3个小朋友，经济方面都紧张！”无心插柳下，她与丈夫发现开办旅行社的可能性，并正计划实行，希望日后可与孩子一同带团，继续周游列国！
摄影：龚嘉盛
场地提供：宽巷子

外游令孩子开眼界

梁芷珮在19岁时认识丈夫，先后诞下三名孩子，大仔、细仔及细女分别为16岁、9岁及7岁。4年前，她开始为TVB拍摄旅游节目，首辑到美国拍摄，便与孩子同行。“始终3个小朋友，飞得太耐系好挂心。带住小朋友拍嘢系辛苦，但𠮶种辛苦系舒服过我嘅挂心，亦好多谢大仔帮手照顾，先可以带到佢哋飞。”

几年来，一家人踏足的国家包括加拿大、法国、葡萄牙、西班牙、冰岛、芬兰等，梁芷珮认为，这段日子对孩子的成长有莫大帮助。“我自己觉得佢哋唔使好叻，样样精，而系咩都要识啲，多啲knowledge（知识）！咁起码你同人倾计，都会有话题。呢4年嚟带佢哋四围去，每次都逗留个几月，会有当地旅游局职员或者导游跟住我哋，真正去同当地人生活，所以系好自然学到啲知识。”

疫市计划创业

自今年疫情以来，“飞来飞去”的生活骤然改变，梁芷珮指，与孩子的亲密时间反而增多。“疫情之前成日飞，惯咗咁多年嚟都成日陪佢哋去玩。而家喺香港冇得去玩，佢哋会闷，所以要谂好多唔同嘅嘢陪佢哋，例如唔同嘅board game（桌上游戏）、大富翁，反而多咗聚埋一齐嘅时间，比之前更close（亲密）。”

拍摄计划暂缓，亦难免影响工作。“始终照顾3个小朋友，经济方面都紧张！好幸运呢半年接咗好多广告、网上宣传片，但都希望再接触多啲范畴，发展将来事业。”今年疫情反复，梁芷珮忆述，年中曾有两个月录得“零确诊”，一度令她以为工作终可重回轨道。“𠮶时一心谂住飞得㗎喇，就灵机一触，不如试下开团，就出个story试水温，问有冇人去冰岛，点知出奇地多人有兴趣！于是谂到长远嚟讲，呢个都可以系我哋嘅事业。”她与丈夫遂萌生起开设旅行社的念头，希望可与孩子一起亲自带团出国，并欢迎家长带同各自的孩子参与。“一团大约10人，好似一班朋友咁去玩！”

不让孩子憎恨你

媒体不时提及梁芷珮当年“年轻诞子”，问到确实何时成为妈妈，她直言：“20、21岁啦，我都失忆症发作，将啲日子mix up（混乱）晒！”。转眼大儿子今年16岁，她形容，这些年来不断学习去当一个妈妈。“我开头做妈妈𠮶阵好细个，咩都唔识，就不停去学。后来识得一啲妈妈，年纪都系比我大，会紧张小朋友多啲。可能因为我老公系外国返嚟，比较casual（随意），成日叫我唔好咁紧张，你紧张嘅话，小朋友重辛苦。”

她分享，作为母亲，对孩子是绝对的信任，而信任则是建构在沟通之上。“我多数都系由得佢哋自由发挥，唔会特别管住佢哋。多数妈妈都担心小朋友踏入青春期，性格变得反叛，几幸运大仔真系冇乜。我系一个好中意讲嘢嘅人，由细到大我都同佢倾好多偈，佢好信我，我都好信佢。可能因为我好信得过佢，佢够胆乜嘢都同我讲，所以要好大胆地信个小朋友，唔系一嚟就ban（拒绝）。”

她表示，在孩子不同的成长阶段，妈妈的角色亦不断转变。“细个𠮶时佢哋好需要你；8、9岁会想独立，畀佢少少独立之余又唔可以太松，因为佢会以为自己真系大个咗，咩都去试。13、14岁进入反叛期，就要好pay attention（注意），唔好令佢憎你。”她表示，大儿子现正考虑大学的升学问题，并会把决定权交给儿子。“我同佢讲‘我俾你拣嘅，你真系谂唔到嘅时候，妈咪帮你拣都唔会太差嘅’，佢会觉得就算做唔到决定，我都可以俾到建议，咁会舒服啲啰。”

从不花钱上补习、兴趣班

梁芷珮的3个孩子现时均就读于国际学校，她指，自大儿子一出生，已有这个想法。“我细个读local school（本地学校），我自己唔太喜欢local school嘅教育制度，唔系话唔好，只不过唔适合我。我觉得我嘅小朋友都会似我，要背书、做功课嘅都唔会啱佢哋，end up（最后）真系好match（配合）佢哋性格，佢哋系创意无限，会think outside the box（突破框框），用唔同方法做同一件事，灵活啲。”

梁芷珮坦言，孩子从小至大，也未曾花钱为他们安排补习及兴趣班。“第一原因 系国际学校实在太贵！唔想俾钱再学其他嘢，唔识嘅话就问老师、问同学。国际学校可能俾3日你去做功课，喺3日里面自己去慢慢问下人，做好佢，对妈妈嚟讲都舒服啲。”对于孩子，她坦言从没过多的期望，“我同老公都好简单，会发生嘅就自然会发生，开开心心就最重要。”