厌奶期｜BB唔肯饮奶点算好？营养师教5招应对BB厌奶期

不少妈妈在遇上BB“厌奶期”都会感到疲倦，用尽方法希望BB能够尽量吃多一点。杨怡于之前诞下囡囡小珍珠后一直全心照顾囡囡，不过她表示囡囡曾有厌奶期，为了让囡囡胃口好些出尽方法。

杨怡于之前诞下囡囡小珍珠，曾IG贴出图片，表示“厌奶期的珍珠，有时肯饮，有时还是不肯”，然后亦贴出囡囡对著海饮奶的照片，杨怡表示“看住海饮奶🍼，会否另你胃口好些⛅️⛅️⛅️👶🏻👶🏻👶🏻厌奶宝宝成长记🤣🤣🤣早餐🍼和午餐🍼一起食”

营养师李杏榆表示，很多BB都会有厌奶期，一般在3个月至5、6个月期间。“父母可以留意BB饮奶嘅时候，周围嘅环境会唔会好嘈，例如有人在睇电视或周边有嘢骚扰到BB，又或者BB生牙仔，唔舒服想咬嘢等等。父母应该知道BB进入厌奶期原因，对症下药。如果BB是因为平常饮奶时环境太嘈会分心，父母就可以喺喂奶前10分钟就开始为小朋友提供安静、舒适嘅环境。”

李杏榆提醒，如果BB将奶吐出，父母应该隔数分钟再次氹BB饮奶，如果2、3次BB还是不愿意饮，就将剩下的奶放入暖奶器，隔一会才让BB饮。“不过记得奶冲好半个钟后就要丢弃！如果BB厌奶期经常唔肯食，父母不妨减少奶量，可以为6个月大以上BB添加副食品。如果BB食量真系太少，爸爸妈妈可以留意下系咩原因，可能系因为天气热，或者可能BB活动量太低、可能BB瞓瞓吓觉嘈醒咗佢等等。”

另外李杏榆指出，如果平常习惯每4小时喂一次奶，父母便不应该在其他时间喂奶，“其实厌奶期真系好平常，父母唔使太担心，如果真系好怕，亦可以让BB活动多啲，令佢哋胃口好啲。”李杏榆亦表示其实厌奶有好多原因，“如果BB只系一餐两餐饮唔晒，唔使特别担心，但系如果已经持续几日或以上，家长就要留意一下BB有冇其他唔舒服嘅症状，例如经常发脾气，大小便是否正常等，如果有就要寻求医生意见。”

陪月员May亦表示，BB到达厌奶期，不要强迫BB饮奶，亦不要觉得孩子年纪小就不定时让小朋友喝奶。“要定时先至比BB食奶，唔好谂住BB食得小就随时比奶，咁厌奶期就好快过。”