【泰国亲子游】骑象睇表演Out！参加清迈大象保育营｜T妈亲子生活
撰文： T妈
出版：更新：
带小朋友去泰国梗系要拜访神物大象 潮流讲保育，其实骑大象、睇表演已经Out到爆！不希望间接支持虐待动物，最新玩法系参加“大象保育营”。
保育营有9个营区，我哋只到访其中之一，氹氹转行两趟，早上喂大象，下午同大象一齐冲凉玩泥浆浴，全程有摄影师，影完相上载到Facebook免费下载，所以下午我哋都无带手机系身。
大象好友善，见惯人，会走埋嚟衫袋摷嘢食。TinTin同成年大象有保持距离，只敢抛蕉唔敢喂，仲俾大象疴笃大大尿吓一吓，好搞笑，但对住BB象就爱不释手，不断喂BB食嘢又敢摸。去到冲凉环节TinTin就开始惊，唔系怕咗啲象，系怕咗啲人，大家起势泼泥泼水，吓到小子喊晒要我抱佢企埋一边。猪队友呢？顾住自己玩，妈妈好葡萄呢！
最后啲象象冲晒凉开始返归，小子又喊了:“呜⋯ 啲大笨象做咩走嘅⋯ 我仲未同佢哋冲凉㗎⋯”，无法啦，大象不等人， 其他团友系条河到继续浸浴。
作者简介：T妈，华德福幼儿教育老师。在儿子TinTin 2岁时决定暂别白领生涯，感受平凡的亲子日常，因修读华德福教育，辗转当上老师，深深体会到孩子是上天的礼物，叫我们成为更好的自己。
作者Facebook专页：“T妈亲子生活” https://www.facebook.com/tmajournal/
【编按：文章题目为编辑所拟，原题为“关于欺凌… 我们是怎样长大的?”】
（以上文章内容均属用户提供，香港01不为任何用户内容而衍生或遭受之任何损失或损害承担责任。）