【亲子旅游】邮轮真系咁好玩？六日冲绳之旅真实分享│田妈玩乐志

暑假期间，田妈带了Justin上邮轮玩。当人人都讲上邮轮有几好玩有几多嘢玩嘅时候，不如田妈就讲一讲上邮轮玩真实会遇到嘅情况同有咩地方要注意，等有心想去邮轮嘅朋友仔有个心理准备。
【编按：作者为田妈】

田妈8月头带住Justin、田公公、田婆婆参加6日5夜冲绳之旅，原本谂住舒舒服服去渡假，点知由未上船就已经不断出现惊喜（惊吓）位：

1. 排队check-in时，田妈发现自己被国内大妈重重包围，10个旅客，9个系国内护照（往后几日会系点，你大概估到）。

2. 船上包含嘅免费食物，如主餐厅同自助餐，都系超级难食。自助餐仲要自己揾位，带住老幼，真系好麻烦。午餐时间仲要好似“尸杀列车”咁，真系增广见闻。

3.谂住上到船就好似去Resort咁游吓水，落到水Justin叫我潜水，点知一潜就出事，原来泳池水系海水！明明我闻都浓浓嘅漂水味，点解会咁㗎？真系非常咸。

4. 如果你好憎排队，真系要三思！check-in排、食饭排、玩要排、溜冰排、睇show排、落船排。

5. 船上有wifi，不过要俾钱，$30美金一日。

6. 餐厅楼层嘅公用厕所非常污糟，阿仔仲问：“点解地下有朱古力？”

7. 船上有跳舞活动，田妈终于见识到几百个大妈跳大妈舞。

不过，除咗以上惊吓位，船上都总有一啲令人enjoy嘅地方：

1. 田公公有先见之明，知道免费餐有伏，一上船就买咗dining package，最平约港币$200一餐，不过系酒店嘅质素，CP值超高。

2. 因为船上wifi太贵，田妈意外地有2-3日与世隔绝，可以放下手机，好好陪伴屋企人。

3. 我哋十分幸运，遇上好天气，可以睇星、睇银河、睇日出、睇日落。

4. 船上系有托儿服务，有姐姐同佢玩吓游戏，大人可以真正去放松一下。

田妈亦同大家分享一下事前准备：

1. 一般旅游保险系唔包邮轮，所以田妈出发前1-2星期就上网买咗邮轮保。
2. 冲绳的岸上行程有2日1夜，有需要嘅话，事前可book定包车或租车。
3. 买定冲绳可上网嘅电话卡
4. 房内冇牙膏牙刷等用品供应，虽然问housekeeping可能会有，但最好都自己带定，尤其是以下用品：冲凉三宝、棉花棒、梳。

至于冲绳岸上行程，我哋冇包车或租车，全程只靠的士同monorail。

Day 1 - 我哋落船时间系下午3时20分，排咗一个钟左右完成入境手续，成功上到的士
小绿药妆 - 通堂拉面 - 小绿Aeon - 奥武山公园 - 国际通晚餐+行街

Day 2 - 想去牧志公设市场食早餐但系好多都未开 - 到附近食pancake - 国际通再行吓 - 中午12时30分前就要上返船

田妈（专页：田妈玩乐志）

全职妈妈，每日的任务系带住囝囝饮饮食食同玩，不断学习做个好妈妈，发放凑仔正能量，不做怪兽家长