【鹿儿岛亲子游】BB一岁未够有咩玩？Wilma妈 4日3夜行程分享
撰文： 李欣愉
出版：更新：
6月头Wilma妈伟大嘅老细请全公司同事去鹿儿岛4日3夜，因为芊羽系要奶睡嘅BB，我就唯有带埋佢去，丢低心里暗喜嘅爸爸。行程只有Day 1同Day 2嘅晚餐同同事食饭，其余时间都系自由组队活动，带住一个BB嘅我，实在唔想要畅快旅游嘅同事照顾，所以就成为独行侠喇，而且佢哋已经照顾咗我同芊芊好多。
鹿儿岛主要系个行山睇景影靓相嘅地方，事前Wilma妈尝试search过亲子游行程，发觉好多地方都唔适合同1岁未够嘅BB去；樱岛睇火山但太多火山灰、雾岛有神社吸灵气但BB冇咩睇、仙岳园适合小朋友去但芊羽太细、屋久岛靓绝，但对于要带住小BB同妈咪袋等装备嘅妈妈们就handle唔倒喇。
经过多番考量，Wilma妈组合咗以下行程，顺利完成！大家如果谂住带小B去鹿儿岛育儿行可以参考参考。
【撰文及拍摄为Wilma妈】
Day 1：傍晚到达，先作休息
坐HK airline往鹿儿岛市嘅11:50a.m.航班，我哋系住中央站附近嘅酒店，由机场去大约一个钟，去到酒店安顿已经傍晚6点。呢日嘅晚餐同同事食串烧，然后去到Aeon扫咗一支大水同杯面以防大食妈妈夜晚肚饿，就返酒店休息。
Aeon收9点，如果冇带齐BB食物或执漏用品可以Day 1先嚟补给。而便利店系冇BB嘅即食固体食物㗎～
+3
【台湾亲子游】奇幻森林风、电动车天堂、便利之选 5大住宿推介【长隆亲子游．有片】一园睇晒5大洲动物 近距离接触学冷知识【大阪亲子游】玩泡泡体验不同职业 玩转三层高室内游戏室 【星马亲子游】行天空之桥 参加生态游 上山下海玩尽浮罗交怡
《香港01》App，浏览更多亲子资讯，立即下载： https://hk01.onelink.me/FraY/hk01app