黄泽锋被闹自私老婆代解画　撑起头家无压力：养多四五个都湿湿碎

黄泽锋很懂得体谅太太陀BB辛苦，虽然没有请工人，但泽锋除了教游水和打拳赚钱外，还会兼顾家务工作，他说：“我哋做男人，坦白讲，老婆大肚时帮唔到啲乜，唯系心灵上令佢平伏啲，我叫佢唔好谂其他嘢，多啲鼓励。”

黄泽锋煮饭洗碗一脚踢

现在黄泽锋每星期返足七日工，每日只睡5、6小时，朝早六时多起床，先叫醒太太，然后叫囡囡起身，送完囡囡返学便和太太吃早餐及买𩠌，之后接送囡囡参加课外活动后，才去教游水。他说：“我呢个年纪唔会去蒲，我唯一唔满意自己系太夜煮饭俾佢哋食，8、9点返嚟，但都冇办法。”身旁的陈丽丽甜笑说：“阿女唔钟意爸爸煮嘛。”

相关新闻：58岁陈丽丽心痛BB遭恶毒诅咒　两度流产存阴影：忧心佢唔长大

问到一人撑起头家会否大压力？黄泽锋中气十足充满自信说：“我咁讲实俾人闹，其实我养多四个五个都冇问题，对我嚟讲湿湿碎，我有自己泳会，我其中一位教练依家80岁都仲教紧，最重要系讲技术。”

被批评自私只想追生仔？

黄氏一家住在屯门一个700多呎的单位，是家人的物业，住屋衣食无忧，还有为小朋友未来作好准备。不过，陈丽丽超高龄怀孕，惹来外界很多负面的声音，更有人觉得黄泽锋“自私”不理太太安危，泽锋未开声，太太已紧张为护丈夫，开腔说：“单方面叫自私，但有商量下就唔关自私事，更唔关佢哋（网民）事。”泽锋则说：“我同太太相处咁耐，每件事不管好与坏都同佢有量，今次仲有埋黄熙恩（女儿）。”他强调不会强逼太太做任何事，他说：“人工受孕呢样嘢一定系全个Family去决定，大家一条心去走先会成功，稍有一个散咗就冇㗎嘞。”他亦否认要追生仔，扬言生仔生女一样咁开心。

不认同《破‧地狱》金句

对于有网友引述电影《破‧地狱》中黄子华的金句作出讨论：“我都唔细50几岁喇，到个仔18岁，70岁㗎喇，我有几多时间畀佢呀？就当我哋好彩，活到90好唔好？咁即系话佢要用呢世人最黄金、最美丽、最当打嘅年华，去照顾我哋两个老嘢呀，我哋都冇问过佢想唔想嚟呢个世界，佢一嚟到我哋就掉两嚿大包袱畀佢，咁对佢公唔公平呢？”黄泽锋不表认同：“其实边一个人系唔需要承担父母？知唔知咩叫‘孝顺’，孝即系要对佢好好，顺者陪也。我妈妈40几岁先生我，60年代40几岁都好老，我都陪到我妈妈95岁死𠮶日。子华戏中讲话小朋友牺牲晒啲时间陪两老，我觉得family系要有个延续，咁先系完整，我系好传统嘅人。”

场地提供：Chef’s Stage Kitchen（元朗）