“爱回家女神”同拍拖六年半男友分手　亲揭原因：我问心无愧

TVB处境喜剧《爱．回家之开心速递》自播出以来深受欢迎，剧中角色也十分入屋。其中叶蒨文饰演的“Candy”自大学故事剧情线到近年的补习社、接龙故事线也同样入屋。近期“爱回家女神”叶蒨文宣布参加恋爱综艺节目《女神配对计划》，更掀起讨论，但因为叶蒨文一直都有个圈外男友，所以就有网民、观众怀疑她扮单身参加节目。

叶蒨文日前接受《香港01》访问时，就坦言自己与圈外男朋友已分手多时。她表示，网民误会她“扮单身”其实情有可愿，事关她在8个月前（即约于去年6月份）分手后一直没有公开宣布消息。

她说：“拍咗六年半拖，磨合咗好耐，有啲嘢可能以为系疫情等等嘅影响，所以一路都有再俾多啲时间同机会磨合，最后发现都系妥协唔到分开。”分手几个月，她坦言生活没太大不同。她说：“冇咩特别唔习惯，当努力咗好耐都得唔到想要嘅结果，有阵时分开反而系一种解脱。”言语中带了几分无奈。

问及当中的“妥协”，她就解释：“唔想讲太多佢嘅嘢，因为佢唔系圈内人惊影响到佢心情，有少少涉及到佢自己私人嘅问题，同埋已经完咗咁耐，想保护返佢。”

问到分手未够一年就参加恋综揾另一半，会不会太快？她就回答：“唔会觉得太快，因为拍得耐而自己都尽咗力问心无愧，所以到分手嘅时候都系决定得非常清楚，认为系非常正确嘅决定，唔存在任何伤害或者后悔，成件事都唔系好激动㗎所以。”

“爱回家女神”叶蒨文回复单身并参加综艺节目《女神配对计划》，相信不少网民和观众都会好奇她的择偶条件。对于另一半的要求，她回答：“我对外表冇乜特别要求，希望尽量高过我（叶倩文身高为166cm）。而且我发现由细到大，我都特别喜欢眼睛唔好太大嘅男仔。 仲有我觉得每日要相处性格最紧要，经济条件唔系太差就可以啦。”

除了以上基乎大部分香港男士都达标的条件，她又提及一些较偏好的性格。她说：“除咗以上条件，我都几钟意男仔直接少少，唔系好钟意啲又怕事又比较唔敢讲自己谂法嘅人。我觉得谂人感受同埋优柔寡断系两样嘢，一个人如果勇敢啲同埋对自己肯定一啲，系一种魅力。”

单身了8个月，又有没有追求者？叶蒨文不讳言自己一直都有人追求。她说：“一路都有唔少。但系，因为我本身喺英国读书已经识好多富二代，所以可能认识嘅人都比较娇生惯养，我自己钟意男人系比较贴地少少，所以唔系好钟意王子型。 跟住可能friend搭friend识亲嘅都好多生意人啊，咁我觉得好有野心嘅人相对会冇咁顾家。我就钟意我个伴侣系可以多少少时间陪我嘅，或者起码有呢个心，而唔系将我放喺第二位。”