崔泰俊朴信惠三度传绯闻　被Dispatch爆相今日终认爱！

不认不认还需认，不过系好事就唔怕认啦！演出《奇怪的搭档》嘅崔泰俊同朴信惠今日终于认爱喇！其实早喺2017年5月就已经传出过崔泰俊同朴信惠拍拖消息，当时有指两人一同去树木园玩𠮶阵被影到，但崔泰俊同朴信惠都坚决否认，称只系关系好好嘅中央大学前后辈关系。此次之后崔泰俊同朴信惠又被目击一齐去旅行，已经令大众纷纷猜疑，睇嚟都令韩媒Dispatch忍唔住要出手验证啊！

今日上昼Dispatch公开一辑朴信惠同崔泰俊约会照！今次真系无得抵赖喇！根据Dispatch独家报道，朴信惠同崔泰俊并唔系只系朋友关系咁简单，而系恋人身份，Dispatch更同时公开咗两人系朴信惠父母经营嘅餐厅入面拍拖嘅相。另外更有跟朴信惠同崔泰俊好亲近嘅熟人透露“朴信惠同崔泰俊系朋友、家人等都知道嘅公开情侣”，其后​​​​朴信惠同崔泰俊好快就向韩媒承认恋情，更指两人喺旧年年尾发展成恋人。

崔泰俊与朴信惠恋爱了？　极速否认：只是中央大学亲密前后辈

下载《香港01》App，更多韩星靓相、影片率先睇！

http://bit.ly/HK01_App

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/