《偶像运动会》EXO灿烈:赢保龄请食饭　Wanna One邕圣祐:BB时就打

每逢新年，韩国综艺《偶像运动会》都会作为特备节目，取代原来的电视节目。不过《偶像运动会》早前就话唔搞，之后又复办，令各家Kpop粉丝非常不满，因为唔少韩星都曾经提过，《偶像运动会》其实系艺人拍拖、眉来眼去嘅胜地！作为fans当然唔想自家偶像上《偶像运动会》而葡萄伤心啦！

今年《偶像运动会》新增保龄球项目，当中就由Wanna One成员裴珍映同赖冠霖对战EXO的灿烈，以及TRAX成员Jay。当时EXO灿烈仲订下金牌公约“如果拎到冠军就请参加保龄球比赛嘅所有人聚餐”而作为MC嘅圣圭@INFINTE同Hani@EXID就反问系咪包括埋佢哋？Hani仲表现出好期待嘅眼神！

喺《偶像运动会》保龄球比赛中，EXO灿烈同Wanna One裴珍映都分别打过全中，名副其实系高手！就连INFINITE圣圭都讲到：“一早有听闻过灿烈打保龄球好劲，今日终于亲眼见识到佢嘅实力！”另外，Wanna One虽然只派裴珍映同赖冠霖出战，但Wanna One其他成员都有嚟到现场支持，好似尹智圣、朴志训、邕圣祐、李大辉等。而尹智圣同李大辉仲拎住Wanna One应援手灯打气，邕圣祐就话：“由屋企开始已经大力支持，所以宜家把声都沙埋。”之后邕圣祐仲话一啲都唔担心《偶像运动会》保龄球比赛，事关出战嘅Wanna One成员都系由BB时期已经唔玩奶樽而玩保龄球，希望佢哋可以拎到冠军！

伯贤V Live想骂私生饭读错电话号码　无辜事主惨被EXO-L炸爆电话 

下载《香港01》App，更多韩星靓相、影片率先睇！

http://bit.ly/HK01_App

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/