郑裕玲抛弃孔刘喇？　转投BTS防弹少年团“佢”怀抱直播开箱文！

香港金牌司仪郑裕玲DoDo姐出晒名热爱韩国娱乐圈，早前主演《尸杀列车》、《鬼怪》嘅孔刘除咗迷倒亚洲万千少女之外，更迷倒埋Do姐添！其实郑裕玲仲好钟意《三流之路》嘅朴叙俊，同埋本年度新欢BTS防弹少年团成员V金泰亨㗎！

郑裕玲早前喺电台节目《口水多过浪花》就两度提起BTS防弹少年团，言谈之间Do姐仲透露佢好熟BTS同埋V嘅事㗎！郑裕玲仲话：“当中有一个唔到你唔认识，因为有个好靓仔，佢个艺名叫做V，真名叫做金泰亨！”其后Do姐更自爆揾到好多fancam，更写住Focus on泰泰！

另外，郑裕玲仲大赞话一见到BTS防弹少年团出场就好开心，佢哋嘅歌真系好唔同！虽然BTS就唔系个个颜值都啱郑裕玲，但当佢哋夹埋一齐就好有team sprit！而郑裕玲成个话题都不停围绕住V，除咗畀相余迪伟同麻利睇，更以TC Candler世界百大美男第1位嚟介绍BTS的V，就连麻利都知碧咸同里安纳度只排喺双位数，“泰泰”真系边有得输？

郑裕玲仲话因为佢喺《口水多过浪花》提过BTS防弹少年团同V之后，Do姐个Instagram更引嚟好多A.R.M.Y（BTS粉丝）留言同埋私讯，仲话好欢迎Do姐加入A.R.M.Y行列！其中一位A.R.M.Y仲私讯郑裕玲话自己准备去参加防弹少年团嘅粉丝见面会，又附上现场照话喺零下11度排咗3个半钟买纪念品，但排到嘅时候已经卖晒咁济，绝对系真爱饭！

郑裕玲《口水多过浪花》片段：

（观看更多） BTS防弹少年团本叫Big Kids　SISTAR、MAMAMOO候补名读完一定笑！

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/