《黑骑士》又来韩剧先苦后甜？　申世景喊住揽金来沅示爱

大热韩剧《黑骑士》明晚又会有新一集播出喇！今日剧组除公开《黑骑士》预告照之外，仲公开咗预告片添！《黑骑士》预告照就讲到金来沅同申世景会进行非常sweet约会，天寒地冻两人冇去饮酒，反而去咗饮茶。之后金来沅仲带咗申世景去溜冰场教佢溜冰添！《黑骑士》呢啲情节一定走唔甩会有skinship！紧张想睇金来沅同申世景放闪嘅剧迷，就记得准备好你个小心脏喇！

虽然《黑骑士》预告照就讲到金来沅同申世景好sweet，不过再睇埋预告片就发觉唔系咁简单。因为申世景嘅“秘密”好似就快要被拆穿，而金来沅知道之后仲会唔会留喺申世景身边呢？虽然呢个“秘密”暂时嚟讲都仲系一个谜，但相信好快就会浮上水面，因为申世景竟然话：“暴露事实我都唔在乎！”

而《黑骑士》预告片最后一幕就系申世景喊晒口咁揽住金来沅讲“我爱你”！本身拍拖仲好地地嘅两个人究竟发生咩事呢？搞到申世景喊晒，又讲到佢会同金来沅分开咁？不过呢个剧情编排都好合乎韩剧嘅“先苦后甜”定律，希望金来沅同申世景在《黑骑士》可以有个happy ending啦！

《黑骑士》13集预告片

高手申世景《黑骑士》带金来沅食面 《河伯的新娘》南柱赫都吃过?

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/