高手申世景《黑骑士》带金来沅食面 《河伯的新娘》南柱赫都吃过?
韩剧迷们呢排追紧咩剧呢？KBS水木剧《黑骑士》有金来沅同申世景（又译：申世京）呢对俊男美女主演，金来沅撩妹的甜言蜜语，有冇睇到屏幕前嘅你都面红埋一份先？《黑骑士》剧组今次仲特别去到斯洛文尼亚取景，画面唯美程度同《孤单又灿烂的神－鬼怪》（鬼怪）喺加拿大魁北克嘅取景绝对不遑多让㗎！
有睇过《不是机器人啊》嘅韩剧迷应该都有同俞承豪一样，跟剧入面𠮶位恋爱高手学嘢！其中一幕就教俞承豪“千祈唔好同现任（女友）去同前度拍拖嘅地方”，原因显而易见，当然系惊你会睹物思人或者会有比较嘛！想不到申世景早前喺《河伯的新娘》入带咗今日喺香港出席活动嘅南柱赫去某间面店食面，点知喺《黑骑士》入面，申世景又系带金来沅去面店食面！虽然唔系100%同一间，但睇落个装潢都好似，令心水清嘅韩剧迷一睇就会联想起《河伯的新娘》！可以话《黑骑士》今次真系唔小心喇，唔知韩剧迷睇到呢幕时有冇发现同出戏呢？
除咗《黑骑士》同《河伯的新娘》近乎撞景，原来《黑骑士》同一套人气韩剧《三流之路》更有幕系一模一样添㗎！唔知韩剧迷有无发现呢？原来《三流之路》朴叙俊间旧屋同《黑骑士》申世景间屋系同一间屋嚟㗎！当初金智媛为咗送别朴叙俊入伍，就煲咗兜粥放喺朴叙俊屋企门口。而《黑骑士》就系申世景前男友金铉俊去揾佢，并挂咗个袋喺门口。睇嚟呢一区实会吸引剧迷去打咭同朝圣，不过会扮《三流之路》摆粥，定学《黑骑士》挂袋喺门口呢？
下载《香港01》App，更多韩星靓相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/