Super Junior东海银赫现身《马家过圣诞》　黎诺懿:我姪女喊出嚟!

ELF（Super Junior粉丝）捕足一星期一连5集嘅TVB综艺《马家过圣诞》，昨晚终于等到Super Junior成员东海、银赫现身喇！SJ东海同银赫唔单止狂晒普通话，仲学埋广东话：“你好、多谢、好好食啊！好味同埋圣诞快乐”，就连神之马壮黎诺懿接受《香港01》电话访问时都大赞：“东海嘅普通话非常好，虽然有翻译在场，但都可以直接沟通！”东海真系不愧为当初long stay喺台湾活动嘅Super Junior-M成员，冇忘记中文啊！

喺《马家过圣诞》中，刘丹、张达伦同黎诺懿就同Super Junior东海、银赫一齐食饭。喺录《马家过圣诞》𠮶阵，东海同银赫加埋其他Super Junior成员就正忙紧8辑《PLAY》，以及12月15至17日举行嘅《SUPER SHOW 7》首尔演唱会。马壮黎诺懿再补充：“其实我本身都识Super Junior，今次好惊喜可以请到佢哋！本身韩星畀我嘅感觉好似要出动一队大军队咁，但东海、银赫今次只系带咗1位助手嚟，同埋佢哋真系好nice！”

而昨晚张达伦喺《马家过圣诞》中，突然拎咗Super Junior《U》首张单曲CD出嚟畀东海、银赫签名！问到马壮黎诺懿究竟系张达伦自己钟意Super Junior定系帮人拎签名时？黎诺懿回应：“其实系我哋1位PA好钟意Super Junior所以帮佢签嘅，当时东海、银赫仲准备咗一人一只签名新碟送畀我哋。之前我都有upload咗一张签名衫嘅相上网，其实我姪女都好钟意Super Junior，呢个系我送畀佢嘅圣诞节礼物。当时东海同银赫仲问我够唔够？我姪女收到𠮶阵仲喊咗出嚟啊！东海同银赫真系好nice，有求必应，拍摄都非常顺利！”记者都明白，其实拎得出有返咁上下历史嘅Super Junior《U》首张单曲CD出嚟，相信呢位PA都系一位真爱ELF，可以喺工作时见到自己偶像真系好幸运嘅事啊！

马壮黎诺懿表示知道Super Junior嚟紧会喺香港开《SUPER SHOW 7》演唱会，问到佢会唔会去睇呢？黎诺懿就话：“如果有邀请当然会去！”《SUPER SHOW 7》香港场会喺2月10日举行，如果马家会再拍特辑嘅话，建议马家拍返个《马家过情人节》，今次仲可以邀请半完整体嘅Super Junior一齐拍啦！

SHINee钟铉出殡　Key泪流不止由温流安慰Super Junior扶灵

下载《香港01》App，更多韩星靓相、影片率先睇！

iOS：http://bit.ly/hk01app-iOS-download

Android：http://bit.ly/hk01app-Android-download

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/