香港太好玩！神话M李玟雨决定留低 “我要食咖哩鱼蛋”
韩国元祖男团神话成员M李玟雨《2017 LEE MIN WOO FAN PARTY in HONG KONG》，在开场之后就继续同神话创造（神话粉丝）玩游戏倾偈。当MC周奕玮要M喺《天若有情》同《英雄本色》之间二选一时，李玟雨就话：“两套都系我学生时代非常珍贵嘅电影，两套戏我都睇超过10次以上，呢个问题简直就系拣刘德华定系周润发！不过以前喺神话放送中，我哋都有扮过《英雄本色》，好似揸枪、咬火柴嘅动作等，冇火柴就会用牙签，所以最后都系拣《英雄本色》！”
摄影：江智骞
距离2018新一年仲有大半个月，问到李玟雨2018年1月1日想同神话队友JunJin定系Andy一齐睇日出？本身M就拣咗JunJin嘅，佢解释话因为2017年同Andy一齐嘅时间太多，所以就拣JunJin，之后又改口风话：“其实系因为如果拣咗Andy，JunJin就会嬲但Andy就唔会。”不过M喺其后玩游戏𠮶时又提返，世上最惊嘅应该系Andy！又话Andy恐怖过鳄鱼，一发火就完全唔当佢哋系哥哥添啊！
倾偈倾到中段，神话另一成员申彗星就以嘉宾身份登场，更着住白色印有M字嘅冷衫，唔知系咪为咗李玟雨M Style而特登着嘅呢？其实申彗星现身系为咗要同李玟雨玩wii sport分胜负，输咗𠮶个就要接受“大惩罚”！申彗星仲话佢上次喺台湾都有玩过，更因为太激动差啲跌亲，所以今次就玩得比较小心，可能因为咁就输咗畀M，仲抽中咗sexy dance做大惩罚！虽然申彗星跳得好尴尬，不好好兄弟李玟雨最后都陪佢跳咗两下，仲大赞佢系世界第一sexy dance添！不过申彗星完全唔收货，仲话无论如何都要M再跳sexy dance，叫大家要期待一下！
玩游戏𠮶时，M就提到碗仔翅、鸡蛋仔、咖哩鱼蛋同臭豆腐呢4样香港街头小食佢都冇试过，好想试一试，因为之前神话队友金炯完同Eric就食过臭豆腐，李玟雨只系闻完睇咗一眼就算。最后M仲自爆：“本身听日就会返韩国，但已经决定咗会留低喺香港旅行，仲会去食咖哩鱼蛋，如果你哋系街到见到我嘅话，我会同你哋影相！加上神话出年就系20周年，嚟紧开演唱会嘅话一定会同神话其他成员一齐嚟香港同大家见面！”香港嘅神话创造一定好兴奋！
神话M李玟雨香港fan party 自爆：出碟仲紧张过有贼入屋！
下载《香港01》App，更多韩星靓相、影片率先睇！
iOS：http://bit.ly/hk01app-iOS-download
Android：http://bit.ly/hk01app-Android-download
我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/