【EXID】黑心网民叫率智：不如你退团啦！　搞到Hani、正花即爆喊

韩国媒体Dingo成日都揾韩星拍片，今次就揾嚟新鲜comeback嘅EXID！Hani、慧潾、正花同LE昨日带住新专辑《Full Moon》以主打歌《DDD》回归，Hani仲留住一头长卷梦幻紫色曲发现身，劲有女神风范！而喺Dingo影片中，本身只系得Hani、LE、慧潾同正花四位EXID成员现身，想不到最后竟然有休息中嘅率智，现身同成员们倾偈，仲有满满嘅“洋葱”感添！

EXID队长兼主唱率智，去年底因为确诊“甲状腺功能亢进”（简称“甲亢”）而全面停工休养，更少有在公众场合露面，不过率智早前都有偷偷去探EXID队友班。而昨日EXID举办嘅新专辑《Full Moon》发售纪念showcase中，率智虽然仍未能参与活动，但都有偷偷去咗发表会支持！而Hani、慧潾、正花同LE一众EXID队友都表示：“虽然我哋都好想可以全员一起活动，不过率智姊姊嘅身体先系最重要！”又讲到EXID以后永远都要5个人一齐活动。相信LEGGO（EXID粉丝）听到呢句都会觉得好窝心！

【EXID】台湾开骚继续“四缺一”欠率智　Hani撒娇吓到队友叫停

而Dingo今日就公开了影片《re:play EXID》的预告，当中Hani、LE、慧潾同正花4人深情对话，又讲到自己看到网上恶评嘅感受，LE：“最终都系冇率智嘅EXID”、慧潾：“终于都明点解佢系副主唱”、Hani：“哇！率智拎住佢哋赚返嚟嘅钱玩玩食食”，又强调真系有人咁样讲！EXID正花就好无力咁话：“我真系好讨厌呢个现实”！

更多EXID图片：

镜头一转EXID坐喺类似首尔汉江旁边嘅地方，率智现身镜头前面，就话：“其他人唔会明白，佢哋系自己估估吓，仲叫我不如你退团啦等等，好似佢哋讲嘅都系真咁，令到我都好心痛，我都觉得好辛苦！”而喺隔离听住嘅Hani同正花都忍唔住低头爆喊！想睇足本《re:play EXID》嘅LEGGO就要等到11号喇！

EXID - 《re:play EXID》

我哋01韩迷嘅facebook专页Kpop 01已经开咗喇！想知道更多韩国娱乐、饮食、玩乐、时尚资讯，快啲去畀like啦：https://www.facebook.com/hk01.kpop/