《偶像学校》TOP 9诞生卢智善第一 网民︰fromis_点读条线做乜？
寻晚11点就系Mnet《偶像学校》最终回考试选秀直播，《偶像学校》由7月起播足两个多月，女学生们终于迎嚟可以出道？还是乖乖回去继续当练习生嘅命运。虽然《偶像学校》播出两个多月，但前期嘅拍摄同制作早早喺6月已经开始，换句话说女学生们已经整整经历咗长达4个月嘅相处，唔怪得知睇佢哋Instagram都感受到佢哋感情好好啦！
《偶像学校》最终回考试仍然系将学生们分成3组进行表演，3组学生分别会表演新曲《Pinocchio》、《幻想中的你》同《MAGICAL》。《Pinocchio》组有李彩煐、朴智媛、朴昭名、白知宪、李娜景同俞智娜、《幻想中的你》组有宋夏瑛、卢智善、张奎利、李赛伦、李叙延同赵俞利，而最后的《MAGICAL》组则有NATTY、金恩书、裴恩英、宾荷娜、李海印同李诗安。以上18位《偶像学校》学生，最终只有TOP 9 可以喺《偶像学校》中出道，而新女团嘅团名亦都喺寻晚《偶像学校》中正式公开：“fromis_＂（from idol school）。虽然有育成会员表示唔太满意“呢个名真系一啲都唔特别”、“会唔会太求其？”同“点读啊？个底线有咩用？”等等。不过既然个名都定好咗，育成会员就比多啲支持佢哋啦！
一直以嚟《偶像学校》嘅学生宋夏瑛几乎可以话系稳坐第一，宋夏瑛喺总共11集入面足足拎过4次第1，反睇卢智善只系拎过两次第1，仲要系用咗“排名上升券”。不过自卢智善Cover Lovelyz《Ah Choo》担任Killing Part开始，粉丝数大大上升，而卢智善喺第2次出道评价能力考试入面Cover miss A嘅《Hush》，佢可爱嘅外貌其实有啲似秀智，咁啱佢仲喺担任秀智嘅部份，清纯嘅感觉更系更加吸引一众男育成会员嘅支持！同时都恭喜卢智善赢到第一名，仲可以系接下嚟嘅出道曲入面担任Centre同Killing Part，为出道嘅路上踏出重要嘅第一步！
而最终可以系《偶像学校》以“fromis_＂出道的TOP 9女学生排名如下：卢智善、宋夏瑛、李赛伦、李彩煐、李娜景、朴智媛、李叙延、白知宪同张奎利，几乎成个《幻想中的你》组都有得出道！虽然未知fromis_几时正式同育成会员们见面，但fromis_嘅真人Show就会喺10月20日起首播，每逢星期5晚7点钟播出，育成会员可以见足佢哋5个星期㗎，记得密切留意喇！
更多《偶像学校》图片
《幻想中的你》组：宋夏瑛、卢智善、张奎利、李赛伦、李叙延同赵俞利
我们01韩迷的facebook专页Kpop 01已经开始喇！想知道更多韩国娱乐、饮食、玩乐、时尚资讯，快点去给like吧：https://www.facebook.com/hk01.kpop/