伍仲衡宣布签洪心怡　首回应被TVB炒鱿：冇讲咩原因但话唔需要我

日前传出音乐人伍仲衡因抢先与《校园好声音-唱响中国》大学生歌唱比赛冠军洪心怡签约，而被无线（TVB）“炒鱿”踢出节目《中年好声音3》，不再担任评审一职。伍仲衡与洪心怡今日（7日）现身音乐会活动，伍仲衡在回应传被TVB封杀一事时表示：“被TVB封杀？我唔觉得，我好多朋友都喺TVB度做。”至于讲到怎样才原谅TVB，他笑言：“我都冇嬲佢（TVB）。”被问到有否与TVB执行董事曾励珍和曾志伟就事件讨论时，他就表示：“其实冇，我冇佢哋嘅电话，佢哋咁高层我冇佢哋嘅联络，我系small potato。”

提及被无线（TVB）“炒鱿”踢出节目《中年好声音3》，伍仲衡回应：“咁都冇办法，唔系我决定呢样嘢，而家唔系我唔做，系我被通知，我生日会之后就收到个电话话下次录影就唔需要我啦！就暂时唔需要我。”讲到原因，他表示：“咁应该唔系因为我比分严谨得滞，TVB就冇讲系咩原因嘅，但就系话唔需要我。有阵时都唔需要讲都大概知道，就系宣布咗我签咗洪心怡几日之后。”

至于是否认为TVB小气，他说：“冇话小唔小气嘅呢个世界，莫道你在选择人，人亦能选择你，我始终由细到大睇TVB大，TVB对我都影响好深，TVB系陪伴我成长，本身我系音乐人，到而家行前咗少少，我都真系要多谢TVB，因为畀多咗好多综艺节目嘅机会我，可能佢哋有啲考量去换人，就正如我做一份part-time，都会有最后一日，而家有份part-time去做，但会唔会再做就冇人知。”

讲到选择与洪心怡签约的原因，伍仲衡透露因早前担任TVB制作的歌唱比赛节目的评审，在现场听过洪心怡唱歌而赏识对方，并表示：“之后我就约咗佢试音，我直程喺网上面开埋直播，都有好多人睇，咁就唱咗三个钟，我觉得呢个女仔，佢嘅唱歌style同我做音乐理念好相同，所以我就好想写歌畀佢，我由做音乐人开始从来都未签过歌手，签歌手系我一路好想做嘅事。”伍仲衡续指与老婆商讨之后决定与洪心怡签约，他又提及TVB也曾经联络过洪心怡，并希望与对方合作和签约，不过有关双方谈及的合约内容自己就不清楚，并表示：“到12月洪心怡决定唔签约TVB，之后我哋先正式揾佢倾约，跟住我就喺我生日会对外宣布签咗属于我第一个歌手出现。”

洪心怡被问到为什么不选择与TVB签约时，她说：“我一开始系有同TVB沟通一下先嘅，之后我就同咗TVB讲话决定唔签，我决定签约伍仲衡，系因为我哋音乐理念比较接近。好似伍仲衡讲过佢作慢歌比较多，然后我唱慢歌又比较多，音乐理念就比较吸引我。”讲到是不是TVB的合约签约期限太长，所以不考虑签约，她直言：“唔系呀，我唔系Focus喺呢样嘢度，如果签约我系想比较自由啲，如果同伍仲衡签约沟通上容易啲，我作咗啲歌又可以畀佢听。”提到洪心怡是否对于唱TVB剧集歌的兴趣不大，伍仲衡就代表她回答：“咁又唔系，佢曾经上过我直播，同我合作好好玩，佢唱啲咩歌我又识弹。”至于有关双方的合约期限，伍仲衡回答：“洪心怡结婚之前都甩唔到合约，佢几时结婚我唔知。”他笑指洪心怡应该要体会分手失恋的滋味。