Celine父借《中国新歌声》招客 港区冠军不满：以为佢好心帮我
最近因为在美国参加选秀节目《全美一叮》（America's Got Talent）而爆红嘅Celine谭芷昀，最近除了成为焦点外，连带她的爸爸谭顺生（Dr. Steve）也人红是非多。不过一波未平一波又起啦，第二季“中国新歌声”香港赛区主办，兼大会评委炜坚导演接受《香港01》独家访问时表示，Dr. Steve能够在第二季“中国新歌声”成为客席歌手评委身分，是因为协办方HMV的拉线，基于大家是合作关系而“需要”接受Dr. Steve担任客席评审之一。炜坚坦言Dr. Steve在评审参赛者时突然离题，拉拢参赛者到他所开办的歌唱学校任教。“佢试过喺学员公开唱完后，当时坐喺评判台嘅佢（谭顺生）叫学员去佢到教唱歌，我事后曾经都有同佢讲过，提佢呢啲嘢就唔好刻意讲，对你都未必会有好处，我哋主力评论学员歌唱情况比较好。”
除此之外，第二季“中国新歌声”香港赛区的冠军张翊龙接受《香港01》独家访问时表示：“当我赢咗去庆功当晚佢（谭顺生）话送两堂唱歌试堂畀我，目的帮我拣歌到内地参赛，我以为佢好心想帮我，所以走上去，当日我本身迟到佢都坚持等我。上到去前前后后唱歌半𠮶钟左右。当时其实唱下唔同既歌，练唔同嘅歌。”
“要我自己录一段多谢DR. STEVE 嘅片”
其实到音乐学校唱歌是一种很平常的事，但奇怪的事情发生了：“唱咗半个钟之后，佢（谭顺生）就捉我去office嘅另一边做访问，由佢访问我并拍片。佢仲一开头就话呢个就系新鲜出炉冠军，系“我嘅学生黎嘅”！我当时就心谂，吓！我完全唔识呢行，唔够胆出声，而我全程访问都无乜点出声，全个访问就系得佢自己讲。访问入面佢又讲上堂时教咗我啲乜野，之后又要我自己录一段多谢DR. STEVE 嘅片，多谢佢帮我去拣歌等。我其实好新，当刻唔知道点做就跟佢稿读。”
问到张翊龙于访问后，谭顺生有否提及访问片段会放在那里播出？张翊龙：“佢就无exactly讲嘅，或者可能喺FACEBOOK 之类，但我都唔清楚，佢就无仔细讲，我唔想太尖锐，我觉得我系蚀底咗嘅，我真系吓亲，比赛时冇乜讲过野，但佢话我系佢学生。”张翊龙续说：“上个星期四上完第一堂之后我无再上第2堂啦，做完访问之后佢就无揾我啦。”
《香港01》就事件曾多次联络谭顺生，但至今亦未获回复。
张翊龙今次成为第二季《中国新歌声》香港区冠军，希望他往后可以像Celine妹妹一样为港争光！