01独家｜素海霖写挥春贺年　“祝全港男士龙精虎猛”

踏入农历新年，先同大家讲声恭喜发财，身体健康。今年，我哋找来远赴日本，为香港出征的性感女神素海霖（绘丽奈），同大家写挥春拜年，佢先祝大家身体健康，出入平安。素海霖︰“特别祝贺全香港人及香港经济有心有力，男士们龙年就龙精虎猛！”最后更希望大家︰“新一年做人最紧要有水，祝大家水到渠成做咩都成功！”

鸣谢
化妆︰Cosette @eyemakeup
发型︰Vincent.S @eyemakeup
场地︰SAKEH

新年通常会点过？

讲起过农历新年，其实并非素海霖特别兴奋的节日。2月9日生日的她，往往跟过年日子相近，所以会较重视自己生日多一点，而今年生日是刚过去的年三十，都是如常地休息一天。“不过都希望终有一年，可以生日是开工，因为从未试过。”素海霖说。

讲起过年习俗，素海霖都比较少注意一些禁忌事项。“我比较任性，有人话初一一定要早起身，但我就试过瞓到傍晚6点先起身，又话初一唔可以洗头，但成头油我一于少理一定会去洗。”唯一必备就是著到自己红当当。“平时打麻雀都会穿红色内衣裤，到新年都冇为意有冇特别要穿，但身上就一定会著红色衫。”

曾经收过8000元大利是

素海霖过年时会打麻雀发新年财，至于逗利是方面，每年成绩都是数千元左右，唯独有年就收到一封大利是，足足有8000元！素海霖︰“我同派利个人都系一面之缘，系朋友介绍，之后就冇联络。当时佢系每个人行埋去都派8000蚊！我又唔系佢员工，相信因为佢系好有钱，除咗因为有钱，我都谂唔到仲有咩原因。”

准备3月赴日拍《向西2》

过年有不少贺年食品，素海霖最喜是糕点，萝卜糕、芋头糕、年糕……“除咗马蹄糕，因为我唔食马蹄。”不过今年统统都要忍一忍口，因为嚟紧3月，素海霖便要到日本开拍《一路向西2东京AV攻略》，当然要保持最佳状态上阵。“而家我都仲等紧一个完整剧本，要有剧本先可以进一步准备，暂时都系节食中。”

虽然未有剧本，但早前举行的公开召募男演员活动，素海霖都有份拣蟀，会唔会已经有一定心水？“面试者水准都唔错，电影公司好好，不停问我呢个点，𠮶个接唔接受到？好尊重我意见。当中都有啲系令我心动嘅，不过我冇最终决定权，而且有啲有外表但演技唔得，演技得时外表又未够标青，所以都好难去判断。”

不过最令素海霖介意是有部分面试者，冇做好事前准备便来面试，“例如问佢裸露有冇问题？佢好似刚刚先知要裸露咁，明明一早讲明要露，所以面试嘅朋友要先做好功课，呢个非常重要。”至於戏中的性感程度，因为未有剧本素海霖都未能透露，唯一确定系今次对手会系香港人，亦有机会是面试的朋友仔，大家密切留意。