破地狱︱许冠文与黎明合演《神算》有一个要求　黄子华直认距离大

香港电影《破．地狱》（前名：度脱之舞》今日（4日）举行开镜仪式，英皇集团主席杨受成博士与导演陈茂贤携同许冠文、黄子华、卫诗雅、周家怡、朱栢康、秦沛、金燕玲、岑珈其等一众主演出席。两代笑匠许冠文与黄子华破天荒合作，为二人1992年合演作品《神算》后32年首次主演电影，消息一出旋即引起全港观众关注！《破．地狱》男主演许冠文、黄子华及朱栢康于开镜礼上接受传媒访问，大谈合作的契机！

黄子华作为亿万票房男主角，能够与连续两届金像奖获奖的前辈许冠文合作，直言《破．地狱》一完他多年的梦想：“讲真，香港有几个朋友、或者我哋嘅偶像，我好希望人生里面可以拍一次！咁呢次就真系中到喇！Michael系我名单入面其中一位希望合作，唔止一次啦希望！呢次都系第二次嘅！多过我嘅梦想！”提到子华示许冠文为偶像，黄子华随即表示：“呢个我要澄清！佢唔系我偶像，佢系几代人嘅偶像！你喺𠮶几代里面出世，你就有份㗎喇！”

至于许冠文与黄子华合作的契机，Michael笑言：“喺几十年前，当我度桥度到山穷水尽嘅时候，话有个人度喜剧好劲㗎，你揾佢、佢栋笃笑好犀利，叫黄子华！咁我就自己打电话畀佢，出嚟度下桥咁。”黄子华亦笑指：“佢真系打电话去我屋企啊！几离谱啊！我唔知喺厕所定边到，我阿妈话有个人叫许冠文揾你㖞，我话‘唔系卦！大佬！’我一听佢话系许冠文，我真系唔知……好难形容畀你听，好似有外星人话‘我嚟到喇’咁啰！”

许冠文更笑指找黄子华合作写《神算》后，亦请他客串但不知道他希望做明星，黄子华则笑指：“咁明显我个样，𠮶种虚荣心真系大到！”许冠文亦指后来察觉黄子华的演技甚佳，但想不到正式合作要等这么多年。许冠文亦表示受陈荿贤的剧本所打动，因此促成这次合作：“因为个故仔太劲喇，佢系讲香港原创嘅殡仪，里面嘅仪式、对生死嘅睇法，原来全世界都冇！”黄子华亦表示：“唔知大家有冇睇过破地狱，次次睇完你都忍唔住想拍手掌！虽然𠮶个系丧礼，但系你都会想拍，因为好疯狂㗎香港嘅丧礼！系好精彩！”子华亦表示殡仪馆与义庄从来不开放予电影拍摄，《破．地狱》能够实地取景实在非常难得与好运。

至于黄子华在《破．地狱》里的戏分，他分享指：“你睇我个样系做策划师，即系有咩我都帮到你！Michael就系里面破地狱界嘅大师喇！朱康就系佢嘅公子，佢可以好短时间里面转好多个圈㗎！”许冠文与朱栢康在电影里饰演父子，更要亲身上演破地狱的仪式，朱栢康笑言没有计算自己在动作戏份转了多少个圈：“我都冇数几多个，但系转到头晕！”黄子华笑言亲眼看着朱栢康的演出，非常惊人：“好惊㗎！周身火咁样！”朱栢康在《破．地狱》里需要演出中国民间宗教里的仪式，然而本身有信仰的他却表示未感压力：“我本身系基督徒，不过OK嘅！成件事对于我嚟讲系上帝嘅安排嚟，同埋都经历咗好多上帝嘅恩典。”他续指：“有一场戏要唱超度嘅嘢，日听夜听啰！但系返屋企系唔敢听嘅，因为我哋练好多破地狱嘅仪式，师傅都会话夜晚唔好练，记住呀！”

当年许冠文与黄子华首次合作的电影《神算》，由许冠文与黎明合演双主角，许冠文笑指：“𠮶套戏原本系揾子华度桥，唔知佢想做明星，就觉得主角系要靓仔、非常靓仔！最好唱埋主题曲，心里面就谂住揾黎明。𠮶时佢（黄子华）就冇乜打扮，不过其实子华都几靓仔嘅！”黄子华随即笑指：“我同黎明有好大距离嘅！我证实！呢样系好客观嘅！你当年嘅选角系冇错嘅，系应该拣黎明！”

香港史上最卖座喜剧《饭戏攻心》将会于今年新年档期上映续集《饭戏攻心2》，早前导演陈咏燊已确认黄子华将不会参演，黄子华亦于开镜礼上首度回应关于续集的消息：“我喺大师旁边唔好讲第二套戏啦！”对于《饭戏攻心2》的看法，仍然一贯密实。