谢婷婷笑四哥chok住拍《赌城群英会》　父亲节准备送衫当礼物

谢婷婷下午以剪彩嘉宾身分出席Fred珠宝店开幕礼，提到下星期就到父亲节，同爸爸谢贤关系非常好嘅婷婷透露爸爸当日唔系香港，之后会同对方补祝，咁到时会送咩礼物比爸爸呢？谢婷婷笑言爸爸钟意收3样礼物，“一系钱，二系楼，三系衫。楼同钱我又送唔起，留返俾哥哥送。我唯有买衫俾佢。”

讲到四哥主演的剧集《赌城群英会》就快播映，谢婷婷就话当时都有去探班，但期间忍唔住爆笑，“因为佢一action就开始chok，我就开始笑，当时避免影响佢，我匿埋系后面睇。”婷婷话小时候有睇过爸爸做嘅《千王之王》，但有一幕四哥断咗只手，佢即刻喊住打俾对方，“爸爸一听到我电话问我做咩，我话你系咪断咗只手，佢话我锄紧dee呀。”婷婷笑言一知道爸爸玩锄dee，证明无断手，立即放下心头大石。现时忙于拍摄电影嘅婷婷，她透露仲有一个月就煞科，之后会到L.A上演艺课程，睇黎到时系Instagram又可以睇到婷婷与男友Jeremy Renner嘅放闪相。