《学是学非》张宝儿家拥礼顿山7物业　唔怕男友穷：将佢笔钱滚大

TVB节目《学是学非》今辑加盟了三个新是非精，除了应届港姐冠亚军冯盈盈同刘颖旋之外，获得“友谊小姐”美名的张宝儿（Bowie）也加入是非精行列。如果男人围绕的话题是钱和女人，那么女人最为人关心的问题一定是身材和感情，继早前刘颖旋自认跟在美国的男朋友感情转淡之后，原来Bowie在加入娱乐圈之后，也跟拍了八年拖的男朋友分手，认真唏嘘！

Bowie在英国伦敦大学毕业，回港后曾经做过广告，自少对好玩嘅嘢特别有兴趣，入娱乐圈都系机缘巧合报选港姐而入行。而她的前男友跟她在高中时期已经认识，是初恋而且拍了八年拖！当年参选时更被拿来跟Bowie好友，同埋高学历又郎才女貌的麦明诗和林作做比较。

八年的感情其实应该好深厚，究竟点解会搞到分手呢？Bowie在接受《香港01》访问时说：“我同我ex喺高中时候识，虽然唔同校，不过佢学校就喺我对面。佢系我初恋，其实生活上嘅点点滴滴都好浪漫，但系我同佢long d咗几年，佢喺美国我喺英国，大家毕业后先决定一齐返香港做嘢。入嚟娱乐圈之后，大家睇嘅嘢唔同咗，我觉得大家都需要啲空间成长。暂时都唔会谂爱情住喇，专注事业先。不过可能之后都会揾啲年纪大啲，谂嘢成熟啲。我同佢系和平分手，因为佢系圈外人喇，都唔想太影响佢，所以都唔讲咁多。但系都好感恩大家对呢段感情都好认真，同佢经历咗咁多嘢令大家都成长咗好多，佢都对我非常非常好，关系都好好。”正所谓爱情话来就来，话走就走，可能连局中人都想像不到结局来得那么快。

Bowie身在富裕家庭，家住礼顿山，有消息指其家人在礼顿山至少有七个单位，跟郑少秋和陈茂波等名人住同一个屋苑，她表示间唔时都会同秋官碰巧一齐跑步。照返现时个放盘价，一个礼顿山最细嘅九百呎单位都要三千万，如果传闻属实，实儿屋企已经系两亿家族，不过她就不清楚自己屋企有几多个单位，还说：“我屋企唔算好有钱，但系屋企人都好锡我，会俾我做自己想做嘅工，所以我唔需要为咗屋企放弃自己想做嘅事。（拣男友要门当户对？）至于择偶嘅话，我觉得最紧要唔系睇佢工资，喺价值观上可以沟通到系最重要，我个人系比较重视心灵人多过物质嘅。不过我都希望大家可以一齐进步，无论系自己修为同工作嘅热诚等等各方面嘅嘢。其实要揾一个心灵上同你沟通到嘅人已经好难，呢个系先决条件，其他有就有，无就谂嚟都无用喇。”现今一个大学毕业生，随时揾得万几蚊，咁如果真系心灵上沟通到喇，Bowie又会唔会接受呢？她说：“如果真系揾万几蚊，我希望我嘅投资技术更加强喇，可以将佢笔钱滚大喇，哈哈！”言下之意看来并不介意对方是低薪族，剩系呢个谂法已经可以加佢50分喇！