TVB台庆2023｜曾志伟闹郭珮文未瞓醒　认故意鞭策：攞奖系40几万

曾志伟（志伟哥）昨日（19日）现身将军澳电视城出席《万千星辉贺台庆》，志伟哥在台庆完结时接受访问表示：“我畀一百分，我觉得所有节目真系做得好好，我系畀所有同事都100分，因为所有人都尽心尽力，为咗TVB生日好似摆酒咁样，为咗啲来宾去做好自己。”他表示很多艺人因为工作档期未能彩排，也特别会抽时间去跟老师上堂落力为这次演出！

被问到最喜欢台庆那一个部份，他直言：“每一个部份都钟意，除咗阮兆祥𠮶一个部份，每一个部份我都知道发生咩事，佢哋三个讲咗畀我听但我唔知系排乜嘢，其他𠮶啲就系大家一齐去谂，其实有初初唔系几好睇，甚至有啲难睇。”他继续指不过看到所有艺人都有一团火，相当出力！

讲到出年会有什么大计，他说：“我哋都系过完一关又一关，港姐完咗，之后等台庆，我每一次都会畀一个主旨大家，唔希望啲嘢冇内涵，旧年就系传承，今年就系初心，知道要计划啲乜嘢。明年我有少少提过，我哋做咗56年，我哋做好多嘢都系做怀旧，希望出年系突破系改变，其实变并唔系话全部都系新。”

提到日后职位会否有改变，他直言：“我惊变咗老板，变乜鬼嘢仲有咩变，我平时同员工都系打成一片，我觉得职位系唔重要。你做到更好，系乜嘢成绩都冇用。我对呢样嘢唔系好着紧，但求做好件事。”讲到会继续担任工作多少年，他坦言：“真系冇，系一步一步咁行落去，同事由入嚟直到而家都好明白，初初一系行𠮶阵，大家都谂紧我想要啲乜嘢。”被问到现时实质的计划，他表示：“有嘅但系好难话畀大家听，今晚我享受完今晚嘅赛果先，赛果完咗再同大家去分享。”

讲到刚才在台上曾向郭珮文说“你未瞓醒咩”，他幽默回应：“佢个人系咁，我同佢彩排嘢𠮶阵时已经系咁，做得好佢又唔知做得好咩！有阵时做艺人攞奖都要鞭策佢，攞奖系40几万，攞奖可以冇乜反应，佢可能以为做骚会收返，我哋正想话俾大家听我哋冇内定，如果有内定就唔会咁嘅表情！”