孙慧雪宣布离巢TVB 18年演出无数被叫“尸雪”：一直都无经理人
撰文： 洪晓璇
出版：更新：
TVB再有艺人宣布离巢﹗刚诞下细仔不久的孙慧雪，10月31日在社交网上载历年工作照留言宣布离开TVB：“一做就做咗18年啦！就算几唔舍得，呢一站，都要讲再见啦！”
孙慧雪入行时曾被封为宅男女神，当年一边读书一边做记者，有日孙慧雪被星探发掘去做模特儿，后来投考TVB第20期艺员训练班，主力喺综艺节目做奖品小姐、《美女厨房》助手“饭”等，孙慧雪一度担心做综艺被定型而冇机会演剧，一心想拍剧嘅孙慧雪，最后也如愿喺剧组发展，佢完全唔介意一开始要演死尸，孙慧雪当时希望大家睇到佢挨得嘅一面，佢笑住讲：“好嘢！我畀人见到我挨到，做死尸做到化妆间同事叫我做‘尸雪’。”
近年孙慧雪成功转型做KOL，留言中指：“读完书毕业嘅第一份工，就去咗Tvb做演员，一做就做咗18年啦！喺度我学咗好多嘢。由担演死尸、替身、路人丙、礼物小姐一步一步到主持、有连戏角色，庆幸有大家望住我一路成长，感激每一位用过我、信任过我、帮助过我嘅监制、编审、导演、副导演！仲有化妆师、发型师同服装师，一切在心中。”她接受《香港01》访问时表示：“其实我一直都无经理人，都系靠自己接JOB，同TVB只系基本合约。暂时未有新动向，始终小朋友仲细，主力照顾佢地，同埋手头上都好多工作忙紧，希望宣布左之后多D客户揾我啦。”