36岁谭俊彦入TVB极速担正做特技人　故事似足《阿郎的故事》？

TVB自50年来，拍得最多，讲得最多，不外乎都是争产、宫廷内斗，或者情情爱爱、你侬我侬......这些题材已经拍到烂。近期就比较好少少，《心理追凶Mind Hunter》是久违的悬疑剧之一，摸不著头脑是TVB悬疑剧仓底都有一堆，点解唔播返《千谎百计》？不过点都好，TVB开始努力尝试拍特别题材剧集，接著7月初将会开拍新剧《特技人》，监制王伟仁上一套作品就是《心理追凶Mind Hunter》。顾名思义，就当然系讲特技人，据知男女主角都拣好，就系新加入TVB的谭俊彦与王君韾，说不定王君韾将以时代版花曼现身，场面令人期待。

《香港01》访问到监制王伟仁，他就讲到确实会开拍《特技人》，不过女主角就不会是王君馨喇：“Grace之前都有同我讲佢7月𠮶时会结婚，加上开呢套剧时都未有谂过揾佢，今次唔夹就揾下次喇，唔会冇机会。”监制讲到女主角将会是朱晨丽，强调对方不是“执二摊”，拣Morning朱全因为对方够tough：“佢份人好男仔头㗎，好豪迈。而且佢又识跳中国舞，做动作方面成件事会好睇好多，踢脚都会好好睇。”监制讲到朱晨丽会做很多危险动作：“佢会成日飞威吔，要好硬净㗎，佢最尽都会跳凌空一字马，但都要再同武指倾。”

特技人名为Stuntman，武师都系叫Stuntman，但大家一定要分那么细！因为监制话：“前者系会做飞车、跳楼之类嘅特技，后者就著重拳脚上嘅郁动，系唔同㗎。”今次应该是TVB史上第一套剧讲特技人，王伟仁就话：“其实佢哋系无名英雄嚟㗎，佢哋都系义气仔女，所以想话畀大家知佢哋喺背后做啲咩。”有些故事灵感来自他的特技朋友，但他就不便透露是谁：“佢哋好多都年纪大，20年嚟系咁挞落地，都挨到残晒，要退休。我又唔想搞到个故事咁悲，就算唔系Happy Ending，都会励志少少。可能身体上嘅损伤都会交代，但死人冧楼嘅嘢就唔会著墨太多。”监制讲起男主角谭俊彦，他说：“佢就比较会系有故事啲，比较似系《阿郎的故事》𠮶种，惨少少。”除此之外，剧集还会有关楚耀、傅嘉莉、罗浩铭等人参与，监制话：“饰演特技人嘅演员，要飞车、飞电单车、跳落楼，系必需嘅，冇得走嘅。”听落个心都替佢哋离一离......好在监制讲多句：“最尽都会有替身嘅...”特技人嘅替身？咁会叫咩呢？

至于女主角朱晨丽近期密密做运动，看来似为《特技人》做好准备。《香港01》再访问朱晨丽，她承认接拍特技人一剧，说：“近排做运动，系想自己身形再fit 啲 ，体力各方面再strong 啲,装备好自己，要再努力练多啲，希望有更高挑战。”至于佢系咪真系要飞落楼，到时真系要拭目以待呀。