黄智雯否认婚后约满离巢 认双方努力磋商中：要慎重谂自己前景

现年40岁的黄智雯(Mandy)早前突然在社交平台宣布结婚，与拍拖逾10年的圈外男友Anthony（詹文天）拉埋天窗，获不少圈中好友送上祝福。

今日（17/10）Mandy婚后首次露面，现身九龙塘为无线节目《香港重案》开工。她受访时表示：“其实喺疫情前，我哋都有结婚嘅打算，但因为疫情嘅关系，通关唔到，等到可以通关，喺年头我哋就去咗新西兰注册结婚，仪式系我哋两个二人世界咁进行。做完之后，返到香港就同好亲密嘅亲友做足返传统嘅斟茶嘅仪式，虽然过程简单，但屋企人都好开心。”

被问到会否在香港补摆喜酒？Mandy表示未必会：“其实由我哋拍拖到结婚，我哋都钟意简单低调，咁所以呢一个部分完咗。之后谂住会同返啲姊妹补食饭庆祝就算。（传你约满唔续约无线，专心做少奶奶？）其实本身我都仲有约，同埋仲有啲综艺节目未完成晒。（合约仲有几耐？）仲有一段时间，大家仲落力系咁倾紧，因为始终我觉得合约系要好认真咁去睇，同埋系要好慎重去谂清楚自己嘅方向同前景，想自己行咩路，变咗都要啲时间去谂清楚。（倾合约当中系咪包含倾奖呢个条件？）绝对唔会，因为上次我都回应过，我觉得奖唔系一个条件，奖项对我心目中嚟讲，呢个系一个好有份量嘅事情。”