无制限探险队｜程人富因Mike导心理变态　与Marco简陋笨猪跳险死

由Mike导团队拍摄、程人富、叶振弘（Marco）、黄雅慧（咖喱）的ViuTV节目《无制限探险队》今日（16日）举行记招，三位主持一同受访，两位男士在预告片上被取笑是懦夫，他们立即帮自己辩护，程人富：“呢个名又唔系当之无愧咁无耻，我哋冇咁厚面皮。”Marco则表示自己安全至上，并谓：“我哋唔系懦夫啊，注意安全啫，守住𠮶条线，如果冇我哋，全部人都向前冲㗎喇。”

Mike导拍节目一向玩命，要主持不停挑战极限，预告所见Marco一呕再呕，频频“呕出彩虹”，程人富说自己接这个工作时，知道伙拍无制限团队已心中有数，笑言：“因为做咗呢个准备，去到有任何嘢发生都觉得理所当然，讲紧啲好唔合理嘅嘢，例如见到喺土狼面前喂嘢食，我一世人都冇可能会做，但系因为拍Mike导嘅嘢就应该合理，我竟然合理啲咁唔合理嘅嘢，呢件事有少少心理变态！”不过他大赞Mike导出尽120%力，几位主持不敢做的任务皆由他顶上，但程人富就自问真的不敢做，坦言十分内疚。

众多项目中，程人富觉得最害怕的是笨猪跳，原来因为当地的设备超落后简陋，直言：“跳落去好似会死！”正常笨猪跳工作人员都会帮自己和参加者扣好安全带，但非洲的工作人员只踢住拖，令他和Marco零安全感，Marco又谓：“工作人员系个好大只嘅鬼佬，见到你好耐都唔郁就推你落去，心里面一直都爆紧粗，个画面真系好惊好恐怖，佢下面就系条河，有好多泡。”

Marco又透露今次穿著很多民族服饰，当讲到咖喱泳衣上阵，是否算“黄金画面”之一，程人富竟露出诧异表情，之后才急急脚补飞兜返。问程人富有冇偷睇咖喱的性感场口，他口窒窒回答：“梗系有，唔系⋯⋯冇冇冇！咁啱我喺侧边游紧水，见到有人拍紧嘢咪睇吓啰，原来自己队crew嚟嘅”Marco更笑称自己只是从旁学习如何拍摄黄金画面。

按图睇预告精彩场口：