年少日记｜郑中基打完仔频讲对唔住　黄梓乐自荐拍《阖家辣2》

第20届香港亚洲电影节，昨晚（13/10）开幕，今届其中一部开幕电影《年少日记》团队，由卓亦谦导演、尔冬升监制，联同演员卢镇业、郑中基、陈汉娜、韦罗莎、黄梓乐一同出席，在戏中饰演两父子的郑中基及10岁童星黄梓乐接受传媒访问。

郑中基（Ronald）在《年少日记》中饰演一位严父，而且带点躁狂，会对太太韦罗莎及儿子动粗，而其中一幕就要在家中用藤条追打黄梓乐，那场戏拍到Ronald相当心痛。“我唔想睇落去无力打要再拍过，于是同佢讲︰‘你忍一忍啦，我会用啲力打，一次过就算喇！’”

黄梓乐就觉得就算Ronald哥哥话唔就力，其实都好轻手，“拍摄时都有垫，而且佢打完都同我讲对唔住。”Ronald︰“其实拍完呢套戏心情好沉重，对住个小朋友唔系闹就打，仲要用好难听嘅说话闹佢，话佢垃圾，反而梓乐好明白事理，叫我尽情闹，佢知系假嘅。”相比起韦罗莎，因为在戏中会掌掴黄梓乐一巴会痛一点，“但我都叫佢大力啲，我都唔想拍第二次。”

对于自己演出获金马奖最佳男配角提名，10岁的黄梓乐已经答得非常得体︰“入围已经当赢咗，唔会奢望会得奖。对手好劲，香港有林保怡哥哥，佢做得好好，我已经睇咗《白日之下》，都有喊。”不过“严父”郑中基就觉得答得未够好，“你应该话︰多谢大家，我已经赢咗喇！”梓乐亦随即讲一次。而姜涛亦有话过要亲自恭喜梓乐，梓乐就话未见到对方，但就有在IG约他打篮球及打边炉，问到他打篮球技术如何？梓乐打趣说︰“我打边炉叻啲！”

有记者问到郑中基，开始为传闻中的《阖家辣2》开工未，Ronald听到一头雾水，知道是传闻后就话︰“我都想，日日开工都好欢欣。”梓乐都话自己有睇《阖家辣》觉得好好笑，问有机会会唔会想拍续集︰“好呀，我（郑中基）做你个仔！”郑中基︰“我又生？我生咗Edan（吕爵安）后又生你？我同Gigi（梁咏琪）好闷定喇，不如话Edan生你，我做你阿爷啦！”