《三个女人一个“因”》面临仓底危机？　黄智雯：又唔系斗快

原定5月28日见街的轻松喜剧《三个女人一个“因”》突然让位，畀年资十年的《兰花刼》脱尘而出，真的是反高潮。据知《兰花刼》之后，TVB就安排晶哥新剧《赌城群英会》，帮观众护一护眼。有传《赌》做完，就出重头剧《同盟》并大造，开始TVB 50周年台庆剧的档期，直到出年年头。本来晶哥的《赌城群英会》疑似沦为仓底，拍完后一直都出唔到闸，直到6月中终于有位摄。不过，《三个女人一个“因”》变相就要滞后，目前为止都未有实际日子要出街，一不小心好易变做仓底剧。

据知《三个女人一个“因”》的女主角黄智雯今次出尽十二万分力拍，因为她在剧中有多重人格，同一时间可分裂成3个人格，做开正经、专业人士的她坦言担心不能抽离。不过，剧集临时下架，出街遥遥无期，真系有仓底危机㖞！黄智雯说：“拍呢套剧真系好大挑战，自己当然想畀观众睇到自己努力啦，但公司对剧集几时出到街，都会有适当嘅计划。我都想有人睇得到，但冚冚声播一定系好咩？又唔系斗快！都要讲Timing嘅，时势造英雄嘛！（几时之内播最好？）唉！呢啲唔讲啦！将来嘅嘢都唔知嘅！”

至于男主角袁伟豪，自《城寨英雄》之后，就未再见过佢有剧出街，最近他就忙于拍《栋仁的时光》，他听到《三个女人一个“因”》似乎有排都未出街，面临仓底危机，他说：“都唔太担心嘅。”反而他非常力挺黄智雯：“佢今次做得好落力，好想大家可以睇到佢嘅成果。”他与黄智雯不同的地方，就是想剧集快啲出街，越快越好：“希望年中啦，八、九月我都ok㗎！”不过他都回归原点：“都系睇公司安排。”