林嘉欣首谈离婚原因　心情已平伏：我哋挨唔到所以选择分开

林嘉欣7月宣布与导演袁剑伟离婚，结束12年夫妻关系。嘉欣（10日）今午出席品牌活动时，透露已习惯新嘅生活模式，并表示在照顾小朋友方面，与袁剑伟是一致的，目前小朋友由嘉欣照顾，问到有否向女儿解释离婚一事，她说：“一直都有家庭会议，当然一开始都有好多不舍，但佢哋发现父母分开住之后开心咗好多，佢哋成日都话开心嘅父母就有开心嘅小朋友，所以我哋都系朝住咁嘅方向。”嘉欣又大赞女儿比自己想像中坚强，甚至懂得照顾大人的情绪已。“我心情都平伏咗，最关键系我同袁导演好多沟通，基本上日日都有wts，都系为小朋友学习、进度等等嘅嘢，一定要咁先系一个正向家庭。”

有传二人离婚牵涉金钱纠纷，嘉欣否认并谓分开主要原因是双方价值观不一致，但讲到传闻中盾袁剑伟对两女处处纵容的教育方式，嘉欣就话：“我觉得家家有本难念的经，有小朋友嘅家长都会面临到，只不过我哋挨唔到，所以选择分开，咁会开心啲。”嘉欣又表示离婚后与袁剑伟依然是朋友，故不抗拒与对方合作。“最难得系要做返朋友，但我哋做到，我觉得适应到，Ok!大家都可以好正面咁向前行。”问到是否已准备接受新一段感情，嘉欣即笑言：“好忙，真系好忙。两个小朋友又有狗，真系好忙。”