【兰花劫】《波士早晨》又等十年先播？　主角黄智贤：未排到期啫

《不懂撒娇的女人》星期日结局，紧接播放的有十年仓底剧《兰花劫》，看完4K制作质素，再看回10年前低清画面，《兰花劫》第一晚应该收视不俗。戏中女主角田蕊妮早前表示非常开心，因为加盟无线第一套作品终于出土。其实艺员见到自己播的剧集，变了仓底再破土而出，心情开心到难以形容。不过《兰》剧男主角黄智贤相信心情就复杂多了，事关他2015年和陈慧珊合作的《波士早晨》到现在仍然未有时间表，他接受《香港01》访问时表示，好有信心《波士早晨》会出街，但亦想网民为他集气。

黄智贤说：“《兰花劫》播出我都几惊喜，亦好开心，有啲情节真系唔记得咗，但有啲主要剧情都仲记得，（但你套《波士早晨》变咗仓底，有冇信心几时出土？）我都希望播出嘅，亦有同公司嘅人倾过，佢哋话会播嘅，不过一直未排到期啫，我相信会播嘅，我仍然好有信心，我谂唔驶等１０年咁耐啩？我呢套剧绝对见得人，剧情几好笑，或者大家帮下手网上讲下，公司会听到㗎，（系咪高层斗争冇得出呀？）唔知㖞，高层就问返高层啦，哈哈，我好低层㗎，我不评论，亦不揣测。”不过时装剧最多放半年就要出街，如果放两年……真系好难再见天日？即使播都不会是黄金时间！希望大家唔使等十年先睇到啦！