何超仪首谈老公陈子聪病历大动脉撕裂喷血险死：内脏要拎晒出嚟先

何超仪（Josie）于今年6月出席活动，透露原本会与她一起出席的老公陈子聪（Conroy）因身体原因缺席。当时Josie表示：“佢忙，同埋身体好弱，唔系冇嘢。佢有啲好棘嘅病，又唔系话一定会死，但真系好棘。（你OK吗？）我唔OK，其实而家好想爆粗，但因为我家姐嘅大喜日子，所以我唔爆住，迟啲讲。”子聪的健康情况实在令人担心。

近日Josie接受郑裕玲 (Do姐) 主持的网上节目The Do Show独家专访，就激罕谈及老公陈子聪险丧命及截肢的经历，近况以及首度公开老公的病史，她更即场致电老公让他跟Do姐聊天。Do姐直言：“我听完Josie讲都好感动。”

Do姐一开始已表示大家都好关心陈子聪的身体健康情况，Josie便说：“其实我今次上嚟系想借我老公大动脉撕裂，直情系爆裂咗呀，呢个case嚟到同社会上嘅朋友讲，原来呢个病我哋一路都无乜点留意嘅，亦都系一个沉默杀手嚟嘅，同埋系无乜病征，但原来又可以做body check嘅，可以特别要求check呢样嘢。”

Do姐问到Josie其实陈子聪是否如外界传闻所说患有癌症，Josie首谈老公详细病历表示：“佢喺2016年曾经患过肝硬化，因为好早发现，肝硬化好快好返。佢入咗医院，再发现佢有直肠炎，跟住都即刻医好咗。𠮶时佢成日喺医院吊盐水，唔食嘢，佢咪瘦到好似骷髅骨头咁啰。”Josie指她老公其后已康复，回复健康靓仔样，为了健康而开始戒烟。她直指老公曾经是个烟铲，其实在他2016年病后便应要戒掉，也要吃得清淡些，但他没有戒口。直到去年10月5日，Josie表示陈子聪当时返了澳大利亚探亲，吃了好多美食，狂食虾饺等点心，食到入医院。

Josie指陈子聪在澳大利亚探亲期间有帮家人搬过家私，当时她每晚都会与老公Facetime，对方跟她说可能是扭伤腰，感到腰痛和盘骨痛，见他面色已愈来愈差，又要躺在床上腰痛到郁不到。有一日陈子聪车亲戚去医院，他在车上肚痛得好厉害，已泊不到车，更痛到晕了，被送进急症室，帮他进行全身检查。Josie说：“照完晒好多嘢之后，医生同佢讲话佢个动脉爆咗，肚脐以下嘅大动脉系爆裂咗喇，应该肚痛系因为一肚都系血。依家唔使讲咁多嘢，畀个机会佢打一个电话，佢就打咗畀我。”陈子聪说不到话，由他父亲告诉Josie他现在马上要做手术了。

Josie赶到去见老公时对方正昏迷中，医生亦有解释给她知道到底陈子聪是患了什么病。她说：“医生解释咗好多次，又画图，我都唔系好明佢讲乜。之后返酒店用电话上网查先知原来系条大动脉，哗，咁大镬，原来系条大动脉爆咗。”Josie指这个病容易发生在爱吸烟喝酒、吃肥腻食物、压力大以及有三高的人士身上。Do姐问因何事会突然大动脉爆裂？是否因为搬家私？Josie说：“因为佢擡𠮶样嘢，唔系佢能力可以做到嘅，唔好讲佢之前个肚开过刀，医生叫佢唔好做粗重嘢喇，一个男仔都无可能擡到一张king size嘅床褥。咁佢无形中谷爆咗自己。佢用力一推时个力就令到大动脉穿咗。”Josie表示由于事出突然，要立即开肚，相当严重。

Josie续说：“医生一开佢个肚，佢啲血已经射到一地都系，成肚都系血，都流晒出嚟喇。佢啲内脏要拎晒出嚟先，因为周围都系血，成副‘架生’都要洗呀，又要钳实啲小动脉。医生即刻切咗𠮶啲坏咗嘅部分，话已经烂晒，结果要同佢换啲矽胶做嘅人造胶喉入去，当中有防弹衣用料。手术过程中，医生钳烂咗佢嘅尿道，个肾又发生咗啲事嘅，直肠炎又要切咗佢，佢成个人手插住啲喉多到好似拖板咁。个伤口封唔埋嘅，因为仲有嘢未搞掂，医生话要搞多4日。”Josie指老公手术后要开造口小便，小便疴黑血，每日更要输十多包血，几乎用光医院血库的血。

医生甚至叫Josie祈祷，Josie说：“医生话要做嘅都做晒，依家就系睇佢自己喇。其实佢今个礼拜系好大机会活唔到㗎，会死㗎。”她又谓当时发现老公的双脚脚趾冰冷变紫色，随时会被当成糖尿脚而需要截肢。最后陈子聪昏迷了一个月加一星期才苏醒。

现年50岁、模特儿出身的陈子聪当年凭190cm的高大身形及靓仔外形被外界封为“港版木村”，不过自从成为何家女婿后，由型佬变肥佬，体重直线飙升，未到40岁已患有“三高”，高血糖、高脂肪及高血压，身体响起警号，又指因他常饮酒及食牛扒，尿酸高故引致脚痛。2016年陈子聪更被发现暴瘦60磅且腹部鼓胀，一度传出他因“三高”引发心脏病和肝病，急需入院治疗，当时他的圈中好友包括徐濠萦、杜如风、尹子维及苏永康等都曾陆续到港安医院探望，但众人都不肯透露陈子聪的病情，情况令人忧心。

超仪为了照顾陈子聪，决定全面停工，更豪花千万在医药费、聘请24小时看护及租住顶楼豪宅上，让老公陈子聪有更好的环境养病，亦正正因为这段时间的陪伴，令夫妻感情更进一步。经过超仪的悉心照顾，陈子聪的身体亦逐渐恢复并重新投入工作，除了陪老婆四处旅行之外，还成为超仪投资电影的监制，妇唱夫随。

去年4月陈子聪同超仪远赴意大利参加乌甸尼斯远东电影节，当时陈子聪更Fit爆现身。同年9月，超仪在演唱会上首次与老公同台演出，两公婆默契十足，不过在11月，超仪因事缺席《夏威夷电影节》颁奖礼，仅以预录影片现身，片中的她面容憔悴，她表示因“个人严重事件”不能到现场领奖，更公开感谢老公陈子聪陪伴，惹来外界猜测陈子聪健康再亮红灯，令人担忧。

而超仪月前就在IG晒出一张两公婆的合照，并写道：“Moments at North Italy’s Vinyard, wishing to continue our infinite days together.（在意大利北部葡萄园的时刻，希望我们继续度过无限的日子。）”似乎相当感触，相信她都非常希望老公陈子聪快点回复健康！