香港DJ专访｜从DJ比赛选手到比赛搞手的Johnnie Darka

数星期前的周六下午，我专诚前往香港动漫电玩节2023却鲜有地不为动漫而进场，而是观摩久违的本地DJ比赛。一个名为Flame Battle的DJ比赛在动漫节的周六周日分别举行了Mixing（混音）组别和Turntable（转盘）组别的决赛，比赛不但吸引了不少进场人士围观，同时云集了本地不同界别的DJ，更有多位香港OG级DJ担任评判，实属近年本地DJ界的一项盛事。而在比赛现场，只见一个忙碌的身影，有时跟工作人员打点一切，有时则在台上打碟，有时更拿起咪高峰担任活动司仪。这位一人分饰多角的人物，便是举办这次Flame Battle的幕后功臣，亦是Flame Studio的创办人，香港DJ Johnnie Darka。

DJ比赛的先决条件便是公平

比赛后数天拜访Johnnie Darka的工作室，见他刚好把从比赛现场搬运回来的打碟器材安置好，脸上带著一丝疲倦。要独力举办一个有相对规模的比赛绝非易事，但对Johnnie Darka来说，这次Flame Battle的最大挑战却在公平性：“成个筹备过程都好重视比赛嘅公平性，计分准则、海选嘅形式去到拣评判等等。”

Johnnie Darka所指的公平性，就是无论场地的选择、DJ准备的时间和他们在比赛中的待遇，都能够公平地进行，避免造成某些选手会占优的情况出现。尤其是在评判的选择方面，他便邀请了不同音乐类型的DJ担任，一方面减低音乐喜好的主观性对评分的影响，更重要是让参赛者能够在不同音乐类型DJ的认可下胜出，才是精英中的精英。

香港OG级的DJ评判团

除了音乐类型的考虑，Johnnie Darka亦专诚邀请曾参与DJ比赛的DJ担任评判：“佢哋玩过比赛、赢过比赛，佢哋知道玩比赛𠮶个困难喺边，同埋参赛者𠮶个心理质素，佢哋经历过先会明白参赛者。”Flame Battle的评判团阵容豪华，包括担任Turntable组别评判的DJ Tommy。

本地乐迷认识的DJ Tommy可能是前LMF成员或是农夫经理人的身份，但早在1996年他已进军世界DJ大赛并夺得亚军，Johnnie Darka形容他“并非香港级而是世界级”。另一位DJ AkirA便同时担任Flame Battle Mixing和Turntable组别的评判，Johnnie Darka补充皆因AkirA是一位Open Format DJ，混音和捽碟皆擅长，因此非常适合担任两个组别的评判。AkirA曾是2011 Pioneer DJ’z Quest比赛的香港区代表之一，经验丰富。

DJ比赛选手时期的Johnnie Darka

听著Johnnie Darka回顾整个Flame Battle，能感受到他不但著紧DJ比赛的公平性，同时亦关顾参赛者的心情。皆因他亦曾经参加过DJ比赛，绝对明白个中辛酸。他是2011年 Pionner DJ’z Quest香港区的季军，代表香港到上海参加全国赛。2012年再接再厉更成功取得Pionner DJ’z Quest香港区的冠军。其后的2014年Boom DJ Battle亦顺利取得冠军，更获得在本地夜店全职驻场的机会。

比赛DJ vs 职业DJ

Johnnie Darka在过往的比赛成绩彪炳，一般人都会认为他的打碟仕途理应一帆风顺，但他却回忆说：“到做DJ先至觉得原来玩比赛同职业打碟系好两样嘢。”根据他的经验，比赛DJ著重在短时间内展示各种能力，包括前奏的选择、技巧的运用、Flow的转换；职业DJ则著重歌曲选择、气氛控制和阅读群众的能力，表演时间亦较长。“当时都有谂自己赢咗，但又发觉自己打Live又唔系好叻，原来系要好多经验。当时就再更加深入研究点样打碟可以打好啲，系咁睇啲前辈咁样一路吸收经验一路学，个人即刻谦卑返。”问到实质的差异，Johnnie Darka续说：“你真系要储好多唔同类型嘅歌，同埋如果你有唔同类型嘅歌你亦都要识得睇人，当刻唔中就唔Work，所以几方面去进步啰𠮶阵时要。”

Johnnie Darka过往与学生分享打碟技术到一定水平后，都会鼓励他们去观看不同DJ的现场演出，一边听一边吸收。“我以前啱啱打碟嘅时候，我自己都会去Clubbing。但我系好厚皮咁企喺个DJ台前面，成晚剩系望住佢打碟啰。佢点解咁样打嘅﹖佢点解打依首歌嘅﹖有时我睇唔明。有时我睇得明，我就试吓返去做先，但系又未必做到，又或者要练习先做到，有好多个依啲嘅夜晚。”

发现近年对打碟感兴趣的人渐多，问到Johnnie Darka作为一位新手DJ应该从何入手，他说：“想学咪学啰，试咗先啦你唔试你唔知自己系点㗎嘛，可能好啱你呢。如果你唔试你咪嘥咗你人生嘅机会。但系做同试系两样嘢喇，试你可以当玩系兴趣，但你想做DJ就另一样嘢。先唔好谂𠮶啲为揾钱呀或者系为觉得型呀去做啰。因为过往都认识唔同DJ，我都有见好多为依个方向嘅人，唔太理想多啰。譬如个演出好少Budget或者唔型嘅，你系咪唔玩吖﹖即系调返转如果有一日依件事无收入嘅，我自己都会揾返份工但系我唔会放弃DJ，我都会喺屋企玩。所以系要真心好钟意依样嘢，因为你好钟意𠮶样嘢嘅时候先会做得好。”

对打碟一见钟情

Johnnie Darka对打碟的喜爱始于2009年。“咁啱跟个朋友上个朋友屋企玩，佢系鬼仔嚟嘅，佢间房就摆咗个唱盘又好多黑胶，咁佢系玩House music嘅，咁我就埋去睇吓问吓点样玩，佢就好简单教我夹Beat，我就睇吓佢点做咪试吓啰。跟住我试吓试吓玩吓玩吓，望吓个窗已经天光差唔多七点喇，但我都仲系好精神。咁𠮶刻我就认为自己系要玩依样嘢喇好钟意喇。 之后就即刻疯狂系咁揾依件事，点样开始、买咩器材、点样玩。 ”碰巧Johnnie Darka在当时正职的同事也是一位DJ，近水楼台便经常向他请教，同事后来就带他到深水埗买唱盘、唱针和二手黑胶，自此Johnnie Darka便沉迷在打碟的世界。“一放假起身就玩，咩都唔理，玩到饭都唔记得食。真系好肚饿就好快咁食个饭，跟住又玩，到夜晚又系唔记得食饭。每次放假都系咁样，或者放工返屋企系都要开一开机，太好玩喇。”

“最初都系夹吓Beat，跟住有一只Hip Hop嘅Instrument，又有一只捽碟嘅黑胶，其实都系几只黑胶㗎咋头几个月，嚟嚟去去都系𠮶几个Beat𠮶几只歌，但系都唔闷啰，系咁练啰。”这个阶段维持到储有足够资金购入电脑，为他打开了新世界，可以不断下载歌曲，尝试将不同歌曲混搭，同时第一个打碟演出机会亦来到。“咁啱同事生日搞Party，咁我就自荐打碟，揾咗个地方有得DJ嘅，咁样开始啰。然后𠮶晚大家又好开心，我对依样嘢嘅信心就仲大啲，就投入啲。”

DJ就像一个厨师

凭著对打碟的热爱，Johnnie Darka成为DJ已经有十四个年头，问到他认为DJ是一个怎样的专业，他以厨师作为比喻。“DJ就好似一个厨师，你点样可以煮好一餐饭。你要有饭、有肉、有菜，又会畀啲你好耐无食过嘅𩠌，又畀一啲惊喜你，阵间畀啲甜品你，你𠮶餐饭先会好食。例如剩系叫你食白饭、剩系叫你食肉或者剩系叫你食菜，𠮶餐饭就唔圆满，我就觉得好似一个厨师。”一个DJ精心炮制的演出，就如同一个厨师安排一顿饭，由头盘直至甜品都用心编排。

然而对于DJ的理解，有人会认为只是一个按“播放”掣的人，甚至认为不懂捽碟的DJ称不上是真正的DJ，Johnnie Darka对这些说法抱持另一种想法。“其实我身边嘅人就无依一个讲法同谂法。我自己唔认同，因为就算唔系Mix都好啦，你就咁播歌我都认为系一个DJ。因为就算你系捽碟，捽得好唔好听又系另一样嘢。同埋唱片骑师呀嘛，边个话一定要Mix，我自己打碟都有时会Mix，有时就咁播，有时会捽碟捽出去都有，系𠮶个moment嘅啫，无一个standard嘅。”

问到Johnnie Darka他认为何谓一个好的DJ，他回答：“佢好多音乐范畴都会玩，或者佢沟得埋，而且沟得埋又顺畅，正如头先厨师𠮶个方向。”他心目中欣赏和喜欢的DJ便是加拿大的DJ A-Trak，A-Trak曾举办DJ比赛和Beat Battle，这启发了Johnnie Darka有举办DJ比赛的想法，最终在今年实践了。

Johnnie Darka与广东话Hip Hop

Flame Battle这个DJ比赛的念头藏在心里已久，现在终于完成了，但Johnnie Darka心中已有下一个计划。“想搞一个广东歌嘅DJ Party，邀请唔同都会咁样玩广东歌嘅DJ一齐玩。因为曾经试过一个Band Show Opening咁样打而个效果都畀我想像中大好多，我相信系可行嘅依件事。”

Johnnie Darka不单止有这个上年的表演经验，间中亦可以在他的社交平台看到他的广东歌Mashup，他对打广东歌亦有一些想法。“平时工作打外国歌，咁其实喺外国嘅DJ都系打自己嘅母语之嘛，咁点解我哋唔得呢﹖我哋感受母语入骨𠮶件事，你会好大感觉㗎。我想玩好耐，依家应该可以开始。”他认为要做一个广东Hip Hop的DJ Set，以前可供选择的歌曲数量不算多，现在则相反，因此认为时机成熟了。

提到广东Hip Hop，Johnnie Darka亦谈到长远目标。“我想做一只黑胶，其实外国有好多㗎，只黑胶入面唔系一只歌嚟嘅，入面有好多Samples。一粒声、一句人声，其实入面全部都系一啲声效，系for捽碟用，透过黑胶同唱针嘅前后、你嘅幅度去做一个Flow。而依只黑胶入面所有嘅人声同声，我都希望系嚟自好著名嘅香港本地Rapper嘅某一首歌嘅一句说话或者歌词，依只黑胶就系全部都系依啲元素，就属于我哋香港玩Scratching嘅一只黑胶碟。”