容祖儿演唱会｜爆阿Sa最紧张感情有冇著落　疯狂介绍异性予好姊妹

天后容祖儿一连34场演唱会《ANOTHER SIDE….JOEY•MY SECRET•LIVE》昨晚（13日）在演艺学院举行展开，首晚为歌迷场。入场歌迷都非常投入，并按照Secret Life的dress code，花尽心思扮鸡、扮外星人、王子、金黄爆炸头，场面欢乐搞笑。而祖儿死党蔡卓妍、师妹Gin Lee、好友林海峰等都有到场捧场。

相隔六年再于演艺学院举行SECRET•LIVE，今次无论制作或歌曲编排，都重本打造，每个部分都让观众目不暇给、叹为观止。整晚气氛既欢乐又感动，歌迷更不时与祖儿大合唱及一齐跳舞，令演艺学院变了一个热闹大party room ，完骚后歌迷不停叫Encore近15分钟才肯离场。

是次整个演唱会分为7部分，第一部分带大家穿梭时空，更大家分享小时侯的小秘密，接著再带大家返回校园，跟著祖儿上学堂，听祖儿谈到小时侯及读书的故事，笑中有泪温馨动人。第三部份则空间大转移，10人大乐队出场，与祖儿一同劲歌热舞，分享她的平日于录音室的最私密空间，第4至6部分就进入祖儿的内心世界，跟观众分享不少好歌之余，也分享了这几年间，为工作不得不离港独自生活的心声。而演唱会最后部分就是点唱环节，祖儿现场抽出歌迷一早写下希望点唱的歌曲，而歌迷亦为她准备了一个几层的生日蛋糕，补祝她之前6月生日，更全场大合照。

四年未踏上过香港舞台的祖儿跟观众打招呼时搞笑道：“熟口熟面，又系呢个地方，又系呢啲人，大家觉得我有冇变呀？”歌迷大叫：“有呀，变靓咗！”到谈及内心世界的部分，祖儿坦言自己是一个歌手之外，another side就系一个中女：“有事业，生活无忧，但重系一个人吊吊揈。”

祖儿反问观众，是否担心她？然后笑道最紧张她的感情生活有没有著落的人，应该是好朋友蔡卓妍：“我同蔡卓姸感情不用介绍啦，今晚佢都有来，佢有段时间真系好疯狂，佢应该系全世界最希望我得到幸福嘅人。最疯狂的日子，佢见到所有男人，都会落个啱唔啱容祖儿嘅filter，仲同我讲，你咁可爱又咁搞笑，我系男人我沟你啦！对阿Sa𠮶份真心、认真、热诚，我唔想辜负佢，所以有一次佢介绍咗一位异性俾我识，咁我地就礼貌上交换个电话之后各有各忙。我同对方只系断断续续text好一段日子，都系个啲：加油，how are you，i am fine之类啦，我个人好慢热，都为礼貌，为阿Sa一番心意。”

祖儿搞笑续说：“对方见我回多一两次，就开始send自拍照俾我，报告自己生活状况呀我当时都惊一惊，但为咗尊重阿Sa，我唔识回答，都留左个Emoji..... 点知佢竟然再努力，留言 : I miss you baby！个一刻我真系吓死，baby后仲唔停㖞！重仲话不如我哋一齐试吓发展！你又唔了解我.....但对方不知何来的自信，竟然再同我讲：我已经睇晒你啲演唱会！好了解知我系咩人......各位观众！睇完晒我演唱会DVD想同我拍拖？咁你哋由细睇到我大，我咪要同晒你哋....哈哈.......”语毕令全场观众起哄拍掌大笑大叫。而完骚后，祖儿话：“收到好多朋友恭喜我个骚咁成功，个个都大赞好睇，兼人人最后都系个句：I MISS YOU BABY，笑死！”