【母亲节】麦明诗月畀过万家用　十优港姐：接几个广告先手头松啲

麦明诗今日到长沙湾出席母亲节活动，昨日她在Facebook上载了与妈妈为杂志影的合照，并写道：“以前妈妈拖著我去探索这个世界，现在到我拖著妈妈尝试一个新领域。”寓意她刚踏入社会工作一年，是时候要报答妈妈。问到今年母亲节，麦明诗有甚么表示？她说：“妈咪都系比较实际嘅人，所以如果送礼物都会尽量唔会送啲唔等使嘅礼物，废事摆喺屋企嘥位；如果送花嘅话，都会有谢嘅一日，所以今年同哥哥夹份送咗部手机畀佢同埋会食饭庆祝。”

母亲节送手机畀妈妈，咁麦明诗以往送礼物系咪都比较豪爽呢？她笑著说：“都唔系㗎！系我入咗行之后，接咗几个广告，先至手头松啲，送贵少少嘅礼物畀妈妈，不过我妈咪都唔系好舍得用咁多钱，都会帮我悭住。”麦妈妈真系爱锡麦明诗！所以身为子女，出来工作都会畀家用，麦明诗就透露：“我一个月畀5位数字家用㗎，可能我要等10年之后先可以加到6位。”畀几多都唔紧要，最重要系睇到麦明诗真系好有父母心。