别叫我赌神｜周润发当年做港姐评判　冇投畀袁咏仪：唔好彩撞到佢

电影《别叫我赌神》由周润发、袁咏仪、廖启智、白只主演。今日发哥为宣传，就到发型屋统当发型师，为三对父子父女剪发，而靓靓袁咏仪就成为开剪的第一位。

问到发哥开工前系咪都会先跑几公里？发哥：“系呀，因为系习惯。”至于身边的袁咏仪、柯炜林可有陪跑？发哥秒回：“嘥气啦，算罢啦，佢（袁咏仪）跑商场比较多，跑网络shopping 较多。”

今次是袁咏仪跟发哥首次合作，靓靓自言是个好难忘经历：“好似追星追到自己偶像，圆梦一样。”发哥都表示今次合作好难忘，“因为阿靓选香港小姐时我做评判，（记：有冇选佢呀？）我冇投佢一票，所以一直唔敢见佢，咁唔好彩呢套戏撞到佢！我都唔知点同佢讲。”

发哥被追问当年那一票投畀边个？发哥声称唔记得当时还有哪位？袁咏仪便提醒：“𠮶届仲有翁幸兰，同埋梁小冰，你最钟意嘅梁小冰。”发哥扮作一脸尴尬打趣地说：“唔好讲畀发嫂听。”似乎当年那一票正是投给梁小冰。

经过今次合作，发哥都有意再同靓靓合作：“想拍套喜剧，叫《两人疯癫》，男女主角就系我哋要同佢死过！睇下到时你死定我死。你唔好当我系Chilam先得，Chillam畀你恰，我唔畀你恰呀，我同出品人（发嫂）投诉呀。（袁：我最惊出品人！）我都惊！直头惊到去对面海，深圳（心震）！”

袁咏仪笑言：“发哥讲嘅都系道理，我哋冇得驳嘴，但唔好见我老公咁多，灌输埋呢啲知识。”问到二人在戏中做情侣，靓靓更会一齐唱情歌：“系我献出歌喉嘅一次，我以前好大胆同你一样出过碟，（发：你有出过碟？十二分十三吋？）系十二分冇分吋！”