我也是︱余洁滢处女作演强奸受害者　对手林耀声：熟络下冇咁尴尬

香港剧情电影《我也是》今日（12日）举行开镜仪式，主演林耀声、颜卓灵、李璨琛、余洁滢、吴肇轩、杜以辰等一众主演出席。电影《我也是》改编自“AV色魔”的真人真事，讲述疑犯因为被判终身监禁而上诉，案件于是展开连串调查，并由颜卓灵饰演的心理医生对林耀声饰演的犯人进行心理评估。

颜卓灵于电影中饰演一位心理医生，年纪与自己相若，她坦言要为角色落足心机做资料搜集：“喺现实生活中，我哋去做资料搜集嘅时候，同好多心理学家倾过，原来好多时候接呢啲法庭案件嘅，都系好有经验，至少二十年以上，因为案件比较复杂、压力都好大。但系（角色）我作为一个初出茅芦嘅心理学家，竟然会去接呢啲案件，呢个女仔十分唔简单！”

在准备电影角色以外，颜卓灵对心理学亦有浓厚的兴趣，更曾考虑进修：“因为我自己对心理学有兴趣，疫情期间都有报过Psychology Master（心理学硕士）去读。虽然都冇谂到咁远，考入去读会唔会真系去执业，但系都有一个帮人嘅心。”她表示大学其实提供了取录的机会，但疫情后复常下，演艺的工作亦逐步重启，自己则未能分身进修：“我有同大学𠮶边讲唔好意思，暂时未能够百分百去投入，我亦都希望有一日我可以读到呢个Master，佢哋都明白。”颜卓灵坦言未有特定的时间线全身投入进修：“因为喺疫情期间，我发现我最钟意都系演戏，有一种系‘今世我最需要做、最钟意做嘅嘢！’嘅感觉，一路有得演戏嘅话我都会Keep住演。”

而林耀声则在《我也是》里饰演强奸犯，他分享角色时表示：“我饰演一个香港曾经好轰动、横跨10年嘅一个强奸案，喺里面饰演一个有人格障碍同强迫症嘅强奸犯，上网都睇咗好多呢单案嘅资料、呢个人嘅资料。”阿声在电影中的角色并不讨好，但他自言有压力：“压力固然有！毕竟第一次演反派，我本身演开一啲比较正面啲（的角色），呢个系好好嘅机会畀自己试下作为演员嘅范围有几阔。”而强奸犯的角色有缺陷，阿声表示要循内心方向处理：“阴暗面每个人都有，作为演员都要去挖自己嘅嘢出嚟。”

电影中，林耀声需要与饰演受害者的余洁滢上演强奸戏份，阿声分享时表示与此前的合作反差极大：“我哋之前已经合作过一次，拍MV认识咗，我哋𠮶时要做情侣嘅！今次我要强奸佢，都会同佢沟通下，熟络下喺现场就应该会冇咁尴尬。”他亦表示强奸的戏份会依循动作设计进行：“𠮶场戏会有武指指导，咁我就跟循武术指导去做。”

与林耀声在电影中上演强奸戏份的对手，则由首次参演电影的余洁滢饰演，她分享角色时表示：“我今次饰演一位20岁嘅大学生，亦都喺20岁𠮶年遇到强奸案，造成一啲情绪、心理阴影，其实都系一个几大挑战嘅角色。”她表示角色难以凭相关经历进行借镜，于是便依靠导演的讲解进行准备：“我好惊会好难代入𠮶个角色，加上拍摄嘅程序未必顺住去，未必拍摄咗我被强奸嘅画面，先拍后面嘅情绪，有时调返转我就惊我会拿捏唔到，所以真系要好好想像一下受害人系受咗几大嘅伤害。”

至于被强奸的戏份，余洁滢透露监制与导演早已提前与她进行准备：“佢哋已经同我讲咗会点拍，个镜头会点攞啦、有咩安全嘅措施会做。同埋唔会有过份嘅裸露，亦都同阿声唔会好有亲热嘅镜头，因为佢犯案嘅时候会戴住头套，所以唔会接触到我、唔会锡到我。”亦表示信任阿声是个专业的演员，能够放心、放得开去演出。

而首次参演电影，余洁滢表示没有特意向家姐Jennifer余香凝取经：“今次我反而冇问佢，因为之前其实佢都畀咗好多提点我，今次可能用返佢之前讲过嘅嘢，用返喺呢个演出里面。”至于会否与刚宣布怀孕的家姐余香凝在未来合作，余洁滢表示：“其实一都好想同家姐有演出上嘅合作嘅！无论演戏、拍剧都会想，希望佢生完快啲修身，咁就可以同我一齐做戏！”