专访｜香港第2位AV女优Alice系单亲母　为养儿拍AV：前夫冇赡养费

索海霖远赴日本拍摄AV片成为香港第一位AV女优，不少网民都撑她是为港增光，勇敢。Alice Wong（王籽）早前亦于台湾参演另一套AV片，但无论是声势或是待遇都远远被抛离。拍AV可以是为了梦想，可以是为了想红，也可以是为了进入娱乐圈，不过Alice Wong拍AV片的原因就只单纯是因为一个“钱”字。

“钱唔系万能，但系冇钱就万万不能。”Alice不顾众人的目光毅然投身AV产业。其实是因为需要钱照顾家中的4岁儿子。她接受《香港01》专访时说：“我真系从零开始，好细个就生呢个小朋友，工作时间比较长。做饮食业，跟住做sales，之后影相补贴。”

Alice曾结婚生子

Alice出生于一个高压的家庭，虽然与父母同往但关系并不融洽。她回忆：“恶同埋出手，就系呢样嘢令我更大决定去红同埋揾更加多钱。”她直言父母平常对她的态度已十分差，更经常闹她是“鸡”。

18岁那年，Alice与前夫相识并诞下一名儿子。婚后两人与小朋友同住于Alice与父母的家中，但婚姻亦不没有想像之中美满。在她生下儿子后，丈夫对她的言语暴力甚至比她的父母为伤人。她直言：“我哋普遍冷战比较多，但系如果讲起难听嘅说话，就系话我冇能力揾钱，要靠佢啰，同埋我注定要受佢气咁。我主动留喺屋企凑仔，其实我都有能力返工揾钱。”

前夫嫌弃Alice产后身材“走样”

她续说：“佢讲嘅每句说话都好狠，我最唔满意就系佢嫌弃我身材，嫌弃我皮肤差，我都有同佢讲，我未生小朋友之前唔系咁，生咗之后先有呢啲身体皮肤问题，同埋走样，呢样都系我最不忿嘅嘢。”

前夫不负责任：赡养费一定冇

不止是对太太生育的不体谅，她的丈夫也不想尽照顾家庭的责任。她说：“佢有畀，几千蚊啰，4，5千啰，跟住就话我大使，我话买𩠌都要钱啦，呢个都系最大分开原因。”两人在结婚三年后离婚后，这位丈夫亦没有尽身为前夫或是爸爸的责任。她说：“（佢个心态系）I don’t fxxking care。赡养费一定冇，佢剩系负责少少嘅学费。如果畀钱，佢剩系畀咗（学费嘅）十分一，几百蚊啰。”

面对前夫的不负责任，Alice没有生气吗？她直言感到十分失望，语带无奈地说：“有嬲㗎，话晒我帮你生咗小朋友，我又冇做嘢，你畀返少少钱好应该。咁算啦，既然你唔想畀我都唔迫你，我有手有脚识揾钱。我又冇特别点去争取，你唔想畀我自己谂办法去揾钱啰。”

身兼多职冇时间陪伴儿子感内疚

在经济压力之下，Alice尝试过身兼多职揾“奶粉钱”，做售货员做饮食业，做硬照模特儿，赚钱养小朋友，打算储钱搬离原生家庭，不过这种生活却不是一个单亲母亲承受到的。说着这一年的生活，她就泪流不止，说道：“我真系从零开始，好细个（18岁）就生小朋友，工作时间比较长。做饮食业，跟住做sales，之后影相补贴。啱啱分开嘅时间就系不停打工打工，冇时间睇佢，跟住我就有种内疚心，挂住揾钱冇时间理佢。因为小朋友三岁系最活泼，最可爱嘅时间。我有啲内疚因为打工陪唔到佢。但系我每日都系，返完一份part-time，返一份full-time，基本上得（每日）得返4个钟头时间瞓觉。每日就系谂照顾佢定系瞓觉好。”

挨足一年情绪经常崩溃

经历了一年，Alice也终于意识到不能持续下去。她说：“跟住就已经发觉，唔，顶唔住啦，身体愈嚟愈差，个情绪开始崩溃。成日处于崩溃状态，因为照顾唔到佢，有个内疚心态，究竟揾钱唔陪佢，定系揾少啲钱陪佢。到最后因为顶唔住，一年之后，反正我都失业，咁就全职做model同影相。”

投身影大尺度性感相行业试拍AV

及后在一次机缘巧合之下，她认识了一位台湾拍摄大尺度照片的摄影师，之后又再经介绍之下去了台湾拍摄AV片。她说：“佢就好突然问我：‘既然你都影开大尺（度相），又有喺patron卖相，不如试下卖AV。’我第一样谂嘅系，AV系我由细到大都想试嘅嘢，我平时都睇AV，既然有呢个机会，咁就去试，第二个原因，都系有少少搏红心态。自己经济支出比较大，如果呢啲片出咗街会点呢，会唔会带畀我更多工作收入来源呢？”她坦言自己经营了大尺度照片数个月，其实每个月都只是有4位数到5位数收入，虽然收入没有以前一日工作十多小时多，但却拥有了与小朋友共度的时光。

只卖相不“上房”

很多网民都形容拍AV片就是做性工作者，她表示自己只会做自己认为要做的事，并不会理会任何人，她笑言：“我系宅女嚟㗎嘛。宅女系唔会理其他人点谂。”

拍摄大尺度硬照卖相就等于做性工作？Alice坦言自己只是卖相，就算是应约与粉丝食饭也不会有“下文”。她说：“你咁支持我，普通食个饭都冇乜问题嘅，但系唔会跟埋去上房啰。我谂冇感情做爱都冇用，我唔会吓吓为钱去做呢样嘢。我只系卖相，如果我要出嚟做埋，咁点解我唔直接做。点解要透过卖相做呢样嘢呢？”她直言如果要靠性工作赚钱，为什么需要多此一举？

除了工作以外，现时Alice全副心机就投放在了小朋友身上。对她来说，影性感照放上平台售卖或者拍AV片或许就是一条出路，最起码她不再需要担心因为长时间工作而忽略了小朋友。问到，小朋友长大后，她会不会介意告诉小朋友她曾为了生计影性感相、拍AV，她就淡淡然地说：“我会话佢知。”

前夫不闻不问：当我黑仔

对于前夫，她就以“当黑”来形容这段过去式的婚姻。她说：“佢知道我拍AV之后有打过嚟闹我，跟住我都话唔关你事。我话你同我一齐嘅时候，你都冇喺呢个咁恶劣嘅家庭环境救我出嚟，而家仲唔分担我嘅负担，你仲有咩资格去讲呢句嘢？只可以当我自己黑仔，我唔太想喺佢身上拎任何钱，都知道佢系个咩人，唉算啦，靠自己好过。”